Analiza SWOT për zhvillimin e Turizmit në Shqipëri

• Author: Enkela Caca - Ioannis Th. Mazis - Antoneta Polo
• Position: University 'Eqrem Cabej', Gjirokastër - National Kapodistrian University of Athens - University 'Eqrem Cabej',Gjirokastër
• Pages: 580-588

ISSN 2410-759X Balkan Journal of Interdisciplinary Research Special Issue No 1

Acces online at www.iipccl.org IIPCCL Publishing, Tirana-Albania June 2015

580

Analiza SWOT për zhvillimin e Turizmit në Shqipëri

Enkela Caca

University “Eqrem Cabej”, Gjirokastër

Ioannis . Mazis

National Kapodistrian University of Athens

Antoneta Polo

University “Eqrem Cabej”,Gjirokastër

Abstrakt

Turizmi është konsideruar si një nga sektorët më të rëndësishëm për zhvillimin dhe rritjen

ekonomike të një vendi. Shqipëria ka potencialin e duhur për zhvillimin e këtij sektori, në të

gjithë llojin e tij, si Turizmin bregdetar, malor, kulturor, historik, kurativ, etj. Qëllimi kryesor i

këtij punimi, është prezantimi i një pamjeje të përgjithshme të situatës së zhvillimit të Turizmit në

Shqipëri, përgjatë viteve të fundit, duke ofruar të dhëna statistikore që e vlerësojnë këtë zhvillim.

Analiza SWOT, e pikave të forta dhe të dobta me të cilat zhvillimi i Turizmit në Shqipëri paraqitet,

është gjitashtu pjesë e analizës sonë në këtë punim. Metodologjia që kemi përdorur në realizimin

e këtij punimi, bazohet në të dhëna sekondare të ofruara nga burime të ndryshme informacioni

sidomos, burimet zyrtare të INSTAT dhe WTTC. Treguesit statistikorë të paraqitur në punim,

japin një ide të qartë të rrugës që ka bërë sektori i Turizmit në Shqipëri gjatë këtyre viteve. Analiza

e faktorëve që ndikojnë pozitivisht dhe negativisht në sektorin e Turizmit për vendin tonë, ka

rëndësi për të nxjerrë konkluzionet e duhura dhe rekomandimet për të ardhmen.

Hyrje

Turizmi sot paraqet një aktivitet biznesi që përbën një nga degët më me rëndësi

ekonomike. Ky aktivitet privat u siguron vendeve në të cilat është i zhvilluar një

mundësi punësimi dhe të ardhurash të larta, në krahasim me vendet e tjera. Ashtu

sikurse shumë vende të Rajonit të cilat e kanë të zhvilluar sektorin e Turizmit,

edhe në Shqipëri vitet e fundit është venë re një një interes i vazhdueshëm për

zhvillimin e Turizmit, si Turizmin bregdetar, malor, kulturor, historik, kurativ,

etj. Duke qenë një vend me ekonomi në zhvillim, sektori i Turizmit është parë si

një nga aktivitetet kryesore për të siguruar vende të lira pune, të ardhura më të

mëdha, që do çonin më tej në rritjen e mirëqënies së popullsisë, dhe në zhvillimin

ekonomik të vendit në tërësi.

Gjatë periudhës së tranzicionit, u krijuan kushte të reja për zhvillimin e Turizmit si

pasojë e kalimit të ekonomisë nga ajo e centralizuar në ekonomi tregu, duke krijuar

mundësinë për nxitjen dhe zhvillimin e sektorit privat, rigjallërimi i sektorëve të

tjerë të ekonomisë të afërt me Turizmin, marrëdhënieve tregtare midis Shqipërisë