Aplikimi i shërbimeve digjitale e-student dhe e-profesor në ngritjen e cilësise së arsimit në institucionet akademike

• Author: Krenar Këpuska - Blerta Prevalla
• Pages: 325-330

325

ISSN 2410-759X

Acces online at www.iipccl.org

Balkan Journal of Interdisciplinary Research

IIPCCL Publishing, Tirana-Albania Vol. 1 No. 3

January 2016

Aplikimi i shërbimeve digjitale e-student dhe e-profesor në ngritjen e

cilësise së arsimit në institucionet akademike

M.Sc. Eng. Krenar Këpuska

PhD. Cand. Blerta Prevalla

Abstrakt

Projekti bazohet në zbatimin e teknologjisë së informacionit në institucionet akademike.

Synimi kryesor i projektit konsiston në rritjen e cilësisë së arsimit dhe transparencës

përmes trekëndëshit Mësimdhënës-Institucion-Student, duke u bazuar në platformën

digjitale të komunikimit.

Problemet kryesore në institucionet akademike në Kosovë bazohen kryesisht në

interaktivitetin e ulet midis trekendeshit Mësimdhënës-Institucion-Student. Mënyra më

optimale për zgjidhjen e këtyre problemeve është implementimi i portaleve e-student

dhe e-profesor (shërbimi i studentëve dhe shërbimi i profesorëve). Në punim është trajtuar

implementimi i portaleve në njërin nga institucionet e arsimit të lartë në Kosovë.

Projekti ka ndikuar në rritjen e performancës së profesorëve, ka mundësuar pajisjen e

kënaqshme të studentëve me resurse akademike në kohë reale, ka rritur dukshëm

interaktivitetin dhe komunikimin midis trekëndëshit Mësimdhënës-Institucion-Student.

Keywords: Arsimi, Cilësia, Portalet, Digitalizimi.

Hyrje

Aplikimi i teknologjisë së informacionit në procesin e arsimit, mundëson përpunimin

e informacioneve në formën digjitale dhe si rrjedhim sjell ndryshimin e metodave të

përdorura deri më tani, gjegjësisht kalimin nga metodat tradicionale si: vështirësitë

e studentëve gjatë paisjes me resurse akademike, problemet që shfaqen gjatë

monitorimit të punës së studentëve dhe mësimdhënësve, problemet gjatë monitorimit

të cilësisë së syllabuseve dhe aplikimit të tyre sipas kohës së planifikuar, në metodat

më moderne.

Sfidat kryesore në një institucion modern akademik lidhen ngushtë me monitorimin

e bashkëpunimit Mësimdhënës-Student, pranimin e burimeve akademike në kohë

reale nga ana e studentit dhe monitorimin e punës së profesorit nga zyra e kontrollit

të cilësisë.

Ky hulumtim do të bazohet në dy faza: mësimnxënia para aplikimit te platformës

digjitale dhe funksionimi i procesit të mësimnxënies pas aplikimit të kësaj platforme

digjitale.

Mesimnxënia para aplikimit të platformës digjitale e-Student dhe e-Profesor

Gjatë kësaj faze do të analizohet “funksionimi” i komunikimit Mësimdhënës-Student,

Student-Student, Student-Institucion dhe Mësimdhënës-Institucion. Komunikimi

përmes trekëndëshit Mësimdhënës-Institucion-Student ballafaqohej me disa

probleme, të cilat lehtë mund të eliminohen nëse aplikojmë teknologji informative