Dhuna ndaj gruas në këndvështrimin e legjislacionit vendas dhe atë ndërkombëtar

• Author: Lorena Musai - Enkeleda Millonai
• Position: Prokuroria Pranë Gjykatës së Shkallës së Parë Elbasan - Prokurore, Prokuroria Pranë Gjykatës së Shkallës së Parë Elbasan
• Pages: 246-256

246

Vol. 3 No. 1

May, 2017

Balkan Journal of Interdisciplinary Research

IIPCCL Publishing, Graz-Austria

ISSN 2410-759X

Acces online at www.iipccl.org

Dhuna ndaj gruas në këndvështrimin e legjislacionit vendas dhe atë

ndërkombëtar

PhD Lorena Musai

Prokuroria Pranë Gjykatës së Shkallës së Parë Elbasan

Magjistrat Enkeleda Millonai

Prokurore, Prokuroria Pranë Gjykatës së Shkallës së Parë Elbasan

Abstrakt

Qëllimi i këtij artikulli është evidentimi jo vetëm i të drejtave të grave por edhe implementimi

i tyre me sukses në jetën e përditshme. Të përshtatësh legjislacionin kombëtar me atë

ndërkombëtarë është një sfi dë për cdo shtet. Mbrojtja e grave nga diskriminimi dhe ushtrimi

i dhunës, duke i siguruar atyre parimin e barazisë sё të drejtave dhe të respektimit të dinjitetit

njerëzor, pjesëmarrjen e tyre, në të njëjtat kushte me burrat, në jetën politike, shoqërore,

ekonomike dhe kulturore të vendeve të tyre, ngritjen e mirëqenies sё shoqërisë e të familjes me

qëllim marrjen e masave tё nevojshme për eliminimin e këtij diskriminimi në të gjitha format

dhe shfaqjet e tij , nga cdo shtet duke përshtatur legjislacionin e tij të brëndshëm në zbatimin e

konventave ndërkombëtare.

Fjalë Kyce: të drejta, grua, dhunë, mbrojtje, ligj.

Hyrje

Të fl asësh për të drejtat e gruas në shoqërinë Shqipare, është e rëndësishme të shohësh

jo vetëm kuadrin ligjor të brëndshëm por edhe atë ndërkombëtar, për të kuptuar nëse

po përparohet me hapa të mëdha apo të ngadaltë drejt impelemntimit të këtyre të

drejtave. Barazia gjinore është sanksionur që në kohën e regjimit komunist, e cila e

shihte gruan njësoj me burrin në çdo fushë të jetës private, politike dhe shoqërore,

ku martesa dhe familja ishin në mbrojtje të shtetit duke i dhënë në këtë mënyrë

mbrojtje të vecantë gruas dhe fëmij ëve. Paralelisht në nivelin ndërkombëtar jo vetëm

të drejtave të grave iu dha rëndësi por edhe u tuteluan përsa i përket ushtrimit të

dhunës ndaj tyre, ku mund të përmendim e Konventën për Eleminimin e të gjitha

formave të diskriminit ndaj grave (CEDAW),1979. Me miratimin e K.Penal, K.Civil,

nisi të vërehej se qëllimi i Shqipërisë, ishte drejt barazisë gjinore, drejt pranimit të

mosdiskriminimit në bazë të seksit. Me ratifi kimin e Konventës CEDAW, me Ligjin

nr. 7767, datë 9.11.1993 dhe Protokollit shtesë të kësaj konvente, me Ligjin nr. 9052,

datë 17.4.2003, shteti shqiptar shprehu vullnetin e tij për të përmbushur detyrimet

që dalin nga kjo konventë, në lidhje me barazinë gjinore dhe eliminimin e të gjitha

formave të diskriminimit të grave.

Implementimi i të drejtave të gruas gjatë regjimit komunist në Shqipëri

Më 10 dhjetor të vitit 1948, Asambleja e Përgjithshme e Kombeve të Bashkuara

nxori dhe shpalli Deklaratën Universale pёr të Drejtat e Njeriut. Në pjesën hyrëse