Disa drejtime të kualifikimit në arsim për arritjen e suksesit nga nxënësit me vështirësi në të nxënë

• Author: Mexhit Hajdari
• Position: Universiteti i Tiranës, Filiali Kukës
• Pages: 260-268

ISSN 2410-759X

Acces online at www.iipccl.org

Balkan Journal of Interdisciplinary Research

IIPCCL Publishing, Tirana-Albania Vol. 1 No. 2

September 2015

260

Disa drejtime të kualifikimit në arsim për arritjen e suksesit nga nxënësit

me vështirësi në të nxënë

Mexhit Hajdari

Universiteti i Tiranës, Filiali Kukës

Abstrakt

Qëllimi i studimit është të japë ndihmesë në përmirësimin e punës për të siguruar arsim

cilësor për të gjithë nxënësit, nëpërmjet analizës së rezultateve dhe, mbi këtë bazë, të japë

rekomandime për kualifikimin e specialistëve vendor të arsimit, të drejtuesve të shkollave

dhe të mësuesve të arsimit bazë. Këto ide mund të merren në konsideratë nga institucionet e

arsimit dhe agjensitë trajnuese për të ndihmuar këtë proces.

Arsyet që na shtyjnë të shpallim këtë studim qendron te nevoja e shoqërisë që të mos ketë

grupe të margjinalizuara nxënësish që nuk plotësojnë objektivat minimale të të nxënëit dhe

te nevoja e çdo nxënësi që të prekë suksesin shkollor dhe të krijojë vetbesimin e nevojshëm

për të përballuar vështirësitë e shkollimit dhe të së ardhmes së vet.

Pikat kryesore të studimit janë hyrja, një histori e shkurtër e ndërhyrjeve të deritanishme

për të përmirësuar të nxënit e nxënësve në nevojë, një analizë e rezultateve të testimit të

nxënësve për plotësimin e objektivave minimalë të të nxënit si dhe një renditje e nevojave të

punonjësve të arsimit për kualifikim të mëtejshëm pë përmirësimin e shkollimit të fëmijëve

të arsimit bazë me vështirësi në të nxënë, së bashku me një propozim për një sistemi të

veprimtarive trajnuese.

Metodologjia e studimit përfshin testimet në shkolla, mbledhjen e të dhënave, plotësimin e

pyetësorëve dhe zhvillimin e intervistave me specialistë të arsimit, drejtues shkollash dhe mësues.

Gjetjet kryesore të studimit kanë të bëjnë me faktin se, me gjithë ndërhyrjet e bëra, ende 2%

e nxënësve rezultojnë analfabetë të mirëfilltë në arsimin 9-vjeçar, rreth 14% e nxënësve të

këtij nveli arsimi nuk zotërojnë konceptet dhe aftësitë bazë sipas kërkesave të arritjeve të

përcaktuara në programet mësimore, ndërkohë që kalojnë pa problem nga një klasë më e ulët

në një klasë më të lartë. Arsyet e kësaj dukurie janë të natyrave të ndryshme, që lidhen me

institucionet e arsimit, por edhe me vetë punën e mësuesve në aspektin edukativ dhe atë

lëndor. Specialistët e arsimit, drejtuesit e shkollave dhe mësuesit shprehin nevojat për një

kualifikim të mëtejshëm dhe efektiv për të përmirësuar këto dukuri negative në shkollë.

Fjalë kyçe: analfabet, braktisje e fshehtë, vështirësi në të nxënë, objektiva minimalë, miniteste,

analizë, kualifikim.

Hyrje

Veprimtaria mësimore dhe edukative që zhvillohet në shkollë ka për qëllim të pajisë

të gjithë nxënësit, pra çdo nxënës, me arsim cilësor. Dihet se në çdo klasë e shkollë

ka nxënës të niveleve të ndryshme në aspektin e zotërimit të njohurive e aftësive që

parashikon programi mësimor. Pjesa më e margjinalizuar e nxënësve ka të bëjë me

ata nxënës, të cilët nuk plotyësojnë objektivat minimale të të nxënit dhe arrijnë të

marrin klasën. Këta nxënës kanë hequr dorë nga përpjekjet për të mësuar, kanë

humbur besimin se mund të jenë të suksesshëm si nxënësit e tjerë dhe nuk marrin

pjesë në mësim, por qendrojnë si spektatorë. Kur pyeten në mësim nuk përgjigjen.

Mospërvetësimi i koncepteve përkatëse lëndore në klasat e ulëta përbëjnë një pengesë

serioze për nxënës të tillë të njohin dhe të kuptojnë koncepte më të avancuara në