Diskriminimi racor në punë (përvoja britanike) dhe diskriminimi gjinor karakteristikë e shoqërisë tonë

• Author: Doreta Kuçi (Tartari) - Blerina Xhakolli Reci
• Position: Departamenti Sociologjisë, Universiteti 'Aleksandër Moisiu' Durrës
• Pages: 270-278

ISSN 2410-759X

Acces online at www.iipccl.org

Balkan Journal of Interdisciplinary Research

IIPCCL Publishing, Tirana-Albania Vol. 1 No. 3

January 2016

270

Diskriminimi racor në punë (përvoja britanike) dhe diskriminimi gjinor

karakteristikë e shoqërisë tonë

Doreta Kuçi (Tartari)

Departamenti Sociologjisë, Universiteti “Aleksandër Moisiu” Durrës

Blerina Xhakolli Reci

Departamenti i Psikologjisë, Universiteti “Aleksandër Moisiu” Durrës

Abstrakt

Punimi do të fokusohet kryesisht në shqyrtimin e fenomenit të punësimit në Britani me

probleme që lidhen me racizmin dhe diskriminimin racor ndryshe nga eksperienca e

vendit tone ku kuptim mer diskriminimi gjinor.

Të gjitha llojet e diskriminimit janë masa përjashtuese që lidhen me individë të caktuar

prandaj këtij fenomeni i vihet gjithmonë theksi për të përmirësuar sadopak mënyrat

dhe llojet e tij. Femrat nëpërmjet arsimimit ashtu sikurse meshkujt mund të aktivizohen

në fusha të ndryshme të jetës shoqërore të bëjnë punë të ndryshme e të marrin profesione

të ndryshme, po ashtu edhe individë të bardhë apo me ngjyrë.

Artikulli gjithashtu do të japi dhe situatën aktuale të vendit tone në lidhje me

diskriminimin gjinor. Natyrisht nuk mund të mohohet beteja që ka nisur në fushën e

lirive dhe të drejtave të gruas në shoqërinë tonë. Madje tani intensiteti dhe sensibiliteti

ka filluar të jetë në nivele më të larta se kurrë ndonjëherë. Por kjo “luftë” për barazi

gjinore në shoqërinë tonë zhvillohet në një terren të caktuar social dhe politik.

Fjalë kyçe: Diskriminim racor, Diskriminim gjinor, Paga, Punëtor,Shoqëri.

Hyrje

Një nga aspektet më të rëndësishme të punës lidhet me idenë themelore se ajo

është aktivitet njëkohësisht social dhe individual. Asnjë nuk është i vetëm në punë

sepse kemi struktura sociale që mbizotërojnë në aktivitetet e punës. Ajo çfarë mund

të duket një zgjedhje e lirë individuale reflekton gjithashtu, të paktën pjesërisht,

detyrime të strukturave sociale (pra kooperimi i punës).

Për shembull, meshkuj të bardhë të klasës së mesme mund të mendojnë se kariera e

tyre profesionale ka të bëjë vetëm me përpjekjet e tyre, ndërsa shumica e femrave të

pakicave minoritare në të tilla kariera sugjerojnë se të parët lehtësohen nga forcat

sociale ndërsa të fundit pengohen, frenohen nga to. Kjo marrëdhënie ndërmjet lirisë

së individëve për të zgjedhur të ardhmen e tyre dhe mundësitë e kufizuara është

çështja kryesore që ka të bëjë me problemin e racës dhe etnisë në punë.

Familjet apo punët e shtëpisë ku një ndarje punësh ekziston ndërmjet meshkujve

dhe femrave, sigurojnë kushte që si meshkujt dhe femrat të punojnë në shoqëri.

Femra në këtë rast eviton punët e shtëpisë sepse vetë shoqëria interesohet të kryejë

shërbime të cilat i zëvendesojnë punët e shtëpisë (për shembull larja e rrobeve në

lavanderi, ushqimi i restoranteve etj) ndikojnë në zbutjen dhe eleminimin e pabarazisë

gjinore.

Femrat nëpërmjet arsimimit ashtu sikurse meshkujt mund të aktivizohen në fusha