E drejta për informim e viktimave të trafikimit të qenieve njerëzore

• Author: Enkeleda Osmani - Dorina Hoxha
• Position: Prokurore ne Prokurorine e Rrethit Gjyqesor Durres - Fakulteti i Drejtesise, UT
• Pages: 87-97

87

Vol. 2 No. 3

January, 2017

Balkan Journal of Interdisciplinary Research

IIPCCL Publishing, Tirana-Albania

ISSN 2410-759X

Acces online at www.iipccl.org

E drejta për informim e viktimave të traf‌i kimit të qenieve njerëzore

Enkeleda Osmani

Prokurore ne Prokurorine e Rrethit Gjyqesor Durres

Prof.Asoc. Dr. Dorina Hoxha

Fakulteti i Drejtesise, UT

Abstrakt

Jo vetëm sot, por edhe në të kaluarën, viktima e krimit ka qenë e njohur si nocion, si subjekt i

aktit kriminal, por nuk është marrë në konsideratë nevoja e saj për një mbrojtje apo kompensim

të domosdoshëm. Pozita e vështirë e viktimës së krimit është e njohur që nga sistemet e hershme

të drejtësisë (Archon Books, 1967, 383). Mirëpo, edhe në këtë kohë edhe shumë e shumë kohë

më vonë pozita e viktimës nuk është përmirësuar sa duhet. Në aspektin historik vërehet

përpjekja e autorëve të ndryshëm për të kontribuar, për të vënë në pah domosdoshmërinë e

njohjes me nevojat e viktimës që ka pësuar nga krimi, për ta njohur raportin e saj me kryesin

dhe nevojën për mbrojtje. Në fund të viteve 1970 dhe f‌i llimi i viteve 1980, në shumë vende,

është bërë një ngritje e përgjithshme e vetëd̀ es mbi nevojën e përqendrimit të vëmendjes në

viktimat e krimit dhe për të siguruar një sistem të gjithanshëm të drejtësisë. Në këtë drejtim ka

qenë shumë me rëndësi kontributi i Këshillit të Evropës dhe OKB-së për mbrojtjen e viktimave

të krimit që konsiston kryesisht në nxjerrjen e një numri të madh të akteve juridike për këtë

qëllim. Pozita e viktimës së krimit historikisht ka ndryshuar shumë. Nga pozita kur të drejtat

e saj nuk janë mbrojtur me ligj, vetëm është njohur si subjekt i krimit dhe është shfrytëzuar

si burim provash, derisa tani te drejtat e saj janë njehsuar plotësisht me të drejtat e njeriut në

tërësi. Në funksion të kësaj janë miratuar dhe fuqizuar shumë akte juridike. Por, prapë mbetet

shumë aktuale nevoja për të përmirësuar statusin juridik të viktimave të krimit sidomos ne

vendet që nuk kanë bërë sa duhet në këtë drejtim.

Fjale kyçe: informim, viktime, kompensim, dokumente nderkombetare.

Hyrje

Trajtimi i viktimave të krimit nga policia dhe marrja në pyetje e tyre pasi të jetë kryer

vepra, kontakti i parë i viktimës me sistemin e drejtësisë bëhet zakonisht përmes

policisë dhe ky kontakt mund të vazhdojë gjatë një pjese të konsiderueshme të

procesit gjyqësor. Nga ky kontakt do të varen shumë rrjedha të procedurës lidhur

me mbrojtjen e viktimave dhe kompensimin e tyre, por edhe lidhur me një punë më

ef‌i kase për parandalimin e krimit dhe viktimizimit në shoqëri. Bashkëveprimi i parë

ndërmjet policisë dhe viktimës është thelbësor edhe në lidhje me atë se si viktima do

ta përballojë viktimizimin dhe do ta rimarrë veten (Elezi, Hysi, 2006, 199).

Në këtë drejtim është me rëndësi që ndihma e parë dhe mbrojtja e personave me

nevojë f‌i llimisht të ofrohet nga organet shtetërore dhe të koordinohet nga to, këtu roli

i policisë është shumë me rëndësi.

Çështje me rëndësi por edhe mjaW delikate me rastin e procedimit policor është edhe

marrja në pyetje e viktimave. Për këtë edhe aktet ndërkombëtare rekomandojnë që