Drejtësia penale tek të miturit në shërbimin e provës

• Author: Juna Muça - Anduena Karapici - Ina Kokëdima
• Position: Universiteti i Tiranës
• Pages: 331-338

331

ISSN 2410-759X

Acces online at www.iipccl.org

Balkan Journal of Interdisciplinary Research

IIPCCL Publishing, Tirana-Albania Vol. 1 No. 3

January 2016

Drejtësia penale tek të miturit në shërbimin e provës

MSc. Juna MUÇA

Universiteti i Tiranës

MSc. Anduena KARAPICI

Universiteti i Tiranës

MSc. Ina KOKËDHIMA

Universiteti i Tiranës

Abstrakt

Shërbimi i Provës duke qënë pjesë e sistemit të drejtësisë penale, është institucioni që

mbikqyr në mënyrë të vazhdueshme autorë të ndryshëm të veprave penale. Evidencat

tregojnë që dënimi me burgim, jo vetëm që nuk ndihmon në rehabilitimin e këtyre

autorëve, por i nxisin ato në kriminalitet të mëtejshëm, duke krijuar një proçes zinxhir

lirimi dhe burgimi për të dënuarin. Burgimi shkakton edhe fillimin e ciklit të varfërisë,

humbjen e vendeve të punës, dobësimin e mundësive për punësim, dëmtimin e

marrëdhënieve ndërpersonale dhe shtimin e rreziqeve shëndetësore për shkak të

mbipopullimit (Buletini i Shërbimit të Provës, V. II, Tiranë, 2011, fq.13). Kjo problematikë

vjen e bëhet më e ndjeshme kur bëhet fjalë për të miturit, kategori e cila kërkon një

trajtim më të kujdesshëm nga sistemi i drejtësisë penale. Në këtë kuadër, aplikimi i

dënimeve alternative vlerësohet si një mundësi që i jepet kësaj grupmoshe për të mos u

bërë pjesë e krimit, dhe për të pasur një shans për tu riintegruar në shoqëri. Qëllimi i

masave alternative është të reduktojë dhe minizojë dëmin e caktuar nga vepra penale e

kryer dhe të reduktojë përfshirjen e individit në sistemin e drejtësisë penale.

Tema do të hedhë një vështrim kriminologjik mbi subjektet e mitur për të cilët mund të

jepen alternativat e dënimit me burgim, të cilat jepen nga gjykata bazuar në kritere

ligjore që kanë të bëjnë me veprën penale dhe subjektin. Në përfundim tema do të japë

disa rekomandime duke u bazuar në konkluzionet e nxjerra nga studimi.

Fjalët kyçe: shërbimi i provës, të mitur, dënime alternative.

Hyrje

Shërbimi i Provës ekziston në shumë vende të ndryshme të botës. Ai është prezent

në çdo kulturë apo regjim politik. Efekshmëria e mënyrës se sa ai shërben pozitivisht

për komunitetitn, është e ndryshme nga njëri vend tek tjetri.

Prej gjatë vitesh “Shërbimi i proves” është pjesë e sistemit të drejtësisë penale, është

një organ shtetëror i centralizuar, në varësi të Ministrisë së Drejtësisë dhe ka filluar

funksionimin e tij në maj të 2009 (Buletini i Shërbimit të Provës, V. I, Tiranë, 2010,

f. 4). Deri më tani ka mbikëqyrur dhe mbështetur zbatimin e dënimeve alternative

për më shumë se 4453 subjekte, nga të cilet 15% janë të mitur (Buletini i Shërbimit

të Provës, V. II,Tiranë, 2011, fq.15). Funksioni bazë i këtij shërbimi është mbikëqyrja