Emigracioni shqiptar dhe efektet e tij

• Author: Skerdilajd Bajramaj
• Position: Shoqëria KESH sh.a.
• Pages: 32-40

ISSN 2410-759X

Acces online at www.iipccl.org

Balkan Journal of Interdisciplinary Research

IIPCCL Publishing, Tirana-AlbaniaVol. 1 No. 2

September 2015

32

Emigracioni shqiptar dhe efektet e tij

Skerdilajd Bajramaj

Shoqëria KESH sh.a.

Abstrakt

Marrë shkas nga vala e fundit e emigracionit masiv ekonomik, që përfshiu vendin tonë muajt

e fundit, ku vetëm shpresa për një jetë më të mirë ka vënë në lëvizje me mijëra shqiptar, deri

edhe 5000 persona të larguar në muaj, vendosa të bëja një analizë të shkurtër mbi këtë fenomen.

Emigracioni nuk është një fenomen as i ri dhe as i panjohur për vendin tonë. Ai ka njohur një

ndalim, me dhunë, vetëm gjatë rregjimit komunist. Për këtë arsye mu duk me interes ta filloj

studimin nga pikëpamja historike, ku të shihet dhe kuptohet lidhja kauzale ndërmjet kushteve

ekonomiko-politiko-shoqërore dhe fenomenit. Emigracioni është një dukuri që ka qenë

bashkëudhtare e popullit tonë në periudhat e tij më të vështira.

Dihen tashme dobishmëria e këtij fenomeni për sa i përketë rritjes së mirëqenies ekonomike të

një vendi, sic është dhe Shqipëria, por pak dihet ndikimi i tij në vendet pritëse, pra vendet që

presin emigrantë. Këtë analizë merr përsipër dhe ky punim i cili kërkon të hedhë dritë mbi

efektet pozitive dhe negative që ky fonomen ka në vendet me një përqindje të lartë emigrantësh.

Do shohim se sa, dhe si, ndikon emigracioni në ekonominë e vendeve pritëse, në veçanti, dhe atë

globale në përgjithësi.

Një vëmendje e vecante do ti kushtohet ndikimit të emigrantëve në tregun e punës të vendeve

ku ata emigrojnë si dhe të ecurisë së ekonomisë të këtyre vendeve.

Si gjithmonë, në fund, do të bëhet një paraqitje e konkluzioneve që dalin nga ky punim shkencor

në lidhje me sfidat që dalin përpara vendit tonë në këtë drejtim, për një trajtim sa më të mirë

dhe dinjitoz të tij, si një fenomen që tashme ka prekur drejtpërdrejt rreth 1/3 të popullsisë dhe

indirekt pothuajse gjithë shoqërinë.

Fjalë kyçe: Emigrantë, pagë, punë, vendi pritës.

Hyrje

Emigracionit masiv, klandestin, shqiptar i ka fillesat në vitet ’90 dhe përkon me

fundin e sundimit të gjatë komunist gjatë të cilit ai ishte mohuar. Me shpërbërjen e

ndërmarrjeve shtetërore e kooperativave bujqësore, emigracioni shërbeu si një valvul

shkarkimi, për të amortizuar në mënyrë të ndjeshme problemet e mëdha social-

ekonomike të vëndit. Aktualisht, emigracioni shqiptar është sa 1/3 e popullsisë së

regjistruar në regjistrin kombëtar, ku peshën kryesore e zënë shqiptarët e emigruar

në Greqi, Itali, Gjermani dhe SHBA.

Emigracioni që karakterizoi periudhën post-komuniste filloi në korrik të vitit 1990,

kur mbi 5 mijë persona hynë në ambasadat e Italisë, Gjermanisë dhe Francës për t’u

larguar nga vendi. Në fund të vitit 1990, mbi 20 mijë shtetas shqiptarë u larguan

nga vendi në rrugë tokësore për në Greqi ku kërkuan azil politik. Në mars të vitit

1991, një numër i madh shtetasish shqiptarë hynë në portin e Durrësit, më i madhi

në vend. Pasi morën kontrollin e disa anijeve të flotës detare tregtare, i drejtuan ato

për të zbarkuar në portet e Italisë Jugore. E njëjta situatë u përsërit pak muaj më