Falimenti, faktorët që e shkaktojnë-Rasti studimor 'Belle Air shpk'

• Author: Alba Skendaj - Shyqyri Llaci
• Position: Departamenti i Manaxhimit, Fakulteti i Ekonomisë ? Universiteti i Tiranës
• Pages: 66-78

ISSN 2410-759X

Acces online at www.iipccl.org

Balkan Journal of Interdisciplinary Research

IIPCCL Publishing, Tirana-AlbaniaVol. 1 No. 2

September 2015

66

Falimenti, faktorët që e shkaktojnë-Rasti studimor “Belle Air shpk”

MSc. Alba Skendaj

Departamenti i Manaxhimit

Fakulteti i Ekonomisë – Universiteti i Tiranës

Prof. Dr. Shyqyri Llaci

Departamenti i Manaxhimit

Fakulteti i Ekonomisë – Universiteti i Tiranës

Abstrakt

Ekzistojnë studime të ndryshme ndërkombëtare të cilat studiojnë falimentin, shkaqet,

arsyet, mënyrat, si dhe pasojat që vijnë nga falimenti. Krizat ekonomike globale, kane

kthyer vëmendjen ndaj reformave të falimentit si mënyrë efektive për të rikthyer aftësinë

paguese të firmave (Claessens et al., 2003). Literatura mbi falimentin paraqet një numër

të madh modelesh për parashikimin e falimentit, ku përgjithësisht autorët bazohen në

simptomat financiare (Beynon & Peel, 2001; Dimitras et al., 1999; Ooghe et al., 1994;

Pompe & Bilderbeek, 2005).

Ky studim kontribuon në thellimin e njohurive mbi shkaqet që cojnë subjektet drejt

falimentit në Shqipëri, në krahasim me modelet ndërkombëtare. Për të vijuar më tej

analizën, është marrë në konsideratë rasti i një prej kompanive ajrore shqiptare më në

zë, “Belle Air shpk”, e cila për pothuajse 10 vjetë zotëroi tregun e fluturimeve ajrore dhe

që në Nëntor të 2013 shpalli falimentin. Qëllimi i këtij paperi qëndron në marrjen në

konsideratë dhe analizën e vazhdueshme që duhet tu bëhet faktorëve të mjedisit të

jashtëm dhe të brendshëm të firmave për të parandaluar kompanitë në cuarjen drejt

gjëndjes së paaftësisë paguese dhe vështirësitë aktuale që paraqet procedura e falimentit

sipas legjislacionit mbi falimentin në Shqipëri në drejtim të favorizimit të riorganizimit,

si mënyra më e mirë për të siguruar vijimësinë e veprimtarisë së subjekteve në vështirësi

financiare.

Fjale kyce: Falimenti, Belle Air sh.p.k, kriza ekonomike.

Hyrje

Falimenti është hasur në literaturë gjatë dekadave të fundit (Argenti, 1976; Balcaen

& Ooghe, 2006). Ai është një fenomen i rëndësishëm dhe ka interes të analizohet

dhe të kuptohet arsyeja e ndodhjes së falimentit. Të gjithë klientët e një firme,

furnitorët, kreditorët dhe të gjithë punonjësit janë të interesuar në potencialin e

ardhshëm të firmës (Fich & Slezak, 2007). Sipas (Fisher & Martel, 2012) nuk ka një

përcaktim të pranuar gjerësisht nga të gjithë studiuesit mbi këtë koncept. Por,

shumica e autorëve i referohen si vështirësi financiare, ose paaftësia paguese e biznesit

dhe e lidhin drejtpërdrejt me pamundësinë financiare për të paguar. Por pavarësisht

konceptit, firmat nuk falimentojnë për të njëjtat arsye, nuk evolojnë në të njëjtën

mënyrë, dhe nuk dalin nga ky proçes njësoj (Argenti, 1976). Në Shqipëri kjo është