Integrimi në Funksion të Sigurisë së Përbashkët

• Author: Fatmir M. Xheladini
• Position: Universiteti Europian Tiranë
• Pages: 392-398

ISSN 2410-759X

Acces online at www.iipccl.org

Balkan Journal of Interdisciplinary Research

IIPCCL Publishing, Tirana-Albania Vol. 2 No. 1

May, 2016

392

Integrimi në Funksion të Sigurisë së Përbashkët

Fatmir M. Xheladini

Universiteti Europian Tiranë

Abstrakt

Në këtë artikull përqëndrimi i punimit si në titullin e lartë apostrofuar është në analizën

teorike të konceptit të sigurisë së përbashkët. Qëllimi i kësaj qasjeje është që të sigurojë

përgjigje adekuate në arsyet për vendosjen dhe zhvillimin e një koncepti të sigurisë më të

gjërë si në rafshin rajonal/ndërkombëtarë poasthu edhe në atë kombëtarë. Përmbushja e

aspirates së integrimit dhe sigurisë së përbashkët evropiane për shtete që nuk janë anëtare

e që aspirojnë integrimin siç është rasti me Maqedoninë nënkupton ndërmarrja e masave

konkrete si në rrafshin institucional poashtu edhe në atë të vlerave të përbashkëta.

Nëpërmjet analizës së disa drejtimeve teorike për sigurinë dhe integrimin, punimi ka

për qëllim për të përcaktuar se çfarë pretendon qasja e një sigurie të përbashkët dhe si

aspirata e Maqedonisë plotësohen në një process integrues rajonal përmes projektit rajonal

të sigurisë që përfaqësohet nëpërmjet BE-së. Pavarësisht nga proceset integruese politike

dhe ekonomike ajo përfaqëson në të njëjtën kohë dhe një koncept të përbashkët të

komunitetit të sigurisë.

Fjalë Kyçe: Integrimi, Siguri, Institucionalizmi, Politika Rajonale.

Hyrje

Maqedonia është një vend që në historikun e sajë të shkurtër karakterizohet nga

tensioni si brenda dhe jashtë saj. Ashtu si shumica e vendeve që janë duke kërkuar

integrimin Evropian dhe që kryesishtë janë vendet e Europës Juglindore, edhe

Maqedonia e sotme po përballet me një tension në mes mendimit të sajë të

shtetndërtimit në metoda klasike dhe përpjekjeve për të mësuar dhe miratuar vlera

të reja Europiane. Kjo përpjekje është duke pasur një efekt të kundërt të mendimit

dhe reagimit të opinionit publik në përballjen me sfidat e brendshme dhe ato të

jashtme që asaj i paraqiten në rrugëtim e sipër. Aktualisht, mjeti i saj metaforik ende

mbetet integrimi evropian dhe përpjekjet për të gjetur vendin e saj në ombrellën e

BE-së si mënyrë për të plotësuar aspiratat e saja bazike në një kontekst ndërkombëtar

ose qofshin ata si përgjigje të plotsimit të nevojave të saja politike dhe të sigurisë.

Qëllimi afatgjatë strategjik i Maqedonisë nga pavarësia e saj ka qenë integrimi në

Bashkimin Evropian. Fillimi i marrëdhënieve në mes të dyjave kanë rrënjët e saj më

herët se që kur ata krijuan zyrtarisht marrëdhëniet diplomatike në vitin 1995. Vendi

aplikoi për anëtarësim në vitin 2001 dhe ajo fitoi statusin e kandidatit në vitin 2005.

E rëndësishme është të përmendet se një vlersim i tillë erdhi si njohje positive të një

sërë reformash të ndërmara në aspektin institucional por edhe në sektorin e sigurisë.

Evidente gjatë kësajë periudhe është përpjekja jo vetëm e elitave politike por edhe e

institucioneve të ndryshme në aplikimin e masave që kërkonin përmirsim të

performancës së sigurisë në aspektin e brendshëm nëpërmjet hapjes dhe integrimit

të një segmenti të rëndësishëm të popullsisë në intstitucionet shtetërore por edhe të

një vale hapjeje dhe bashkupnimi rajonal me fqinjët e afërt të sajë.