Karakteristikat themelore të veprës penale të vrasjes

• Author: Hazir Lushaj
• Position: Zyra për Vlerësim dhe Verifikim Gjyqësor Kosovë
• Pages: 209-220

209

ISSN 2410-759X

Acces online at www.iipccl.org

Balkan Journal of Interdisciplinary Research

IIPCCL Publishing, Tirana-Albania Vol. 1 No. 3

January 2016

Karakteristikat themelore të veprës penale të vrasjes

PhD (C.) Hazir Lushaj

Zyra për Vlerësim dhe Verifikim Gjyqësor Kosovë

Abstrakt

Mbrojtja e jetës dhe integritetit fizik të njeriut është synuar në të gjitha periudhat e

zhvillimit shoqëror, me dallimet të cilat kanë qenë pasqyrim i vlerësimit të njeriut si

anëtar i bashkësisë së caktuar shoqërore. Sot, në kohë bashkëkohore ekziston mendimi

unik se jeta dhe integriteti fizik i njeriut paraqet vlerë të atillë për ruajtjen e se cilës nuk

ekziston vetëm interes individual por interes i përgjithshëm i përbashkët i shoqërisë

njerëzore. Prandaj mund të konkludohet se ndaj kriminalitetit, si dukuri shoqërore

negative, nuk ka qenë dhe aktualisht nuk është imune asnjë shoqëri, pa marrë parasysh

rregullimin shoqëror të saj. Në këtë drejtim është e domosdoshme qe shteti të angazhohet

edhe ne aspektin tjetër- aspektin “represiv” të reagimit ndaj kriminalitetit. Duke vepruar

kësisoj efektshëm mund të ndikohet në pengimin e kriminalitetit në një anë, në ketë

mënyrë bëhet ndëshkimi i atyre ndaj të cilëve masat preventive nuk kanë dhënë rezultate

për pengimin e veprave penale. Reagimi i shtetit ndaj kriminalitetit manifestohet në atë

mënyrë qe shteti përcakton rregullat se në çfarë kushtesh mund ta përdorë dhunën ndaj

individëve qe ushtrojnë veprimtari kriminale. Me sjelljet kriminale rrezikohen, cenohen

ose asgjësohen vlerat individuale dhe shoqërore. Shteti – shoqëria funksionin e mbrojtjes

nga kriminaliteti e realizon nëpërmjet organeve të veta me qellim qe të mbroj vlerat e

caktuara përkatësisht të mirat e individit dhe bashkësisë shoqërore.

Fjalë kyçe: jeta e njeriut, vepra penale, vrasja, preventiva, represioni.

Hyrje

Vrasjet paraqesin dukuri negative që i ngufasin përpjekjet e qytetarëve për të siguruar

jetë më të mirë dhe më të sigurt. Nisur nga zhvillimet e ngjarjeve dhe rrjedhave të

përgjithshme si dhe situatës në lidhje me dukuritë e sigurisë në Kosovë, ky punim

mund të konsiderohet edhe si tentativë për të dhënë kontribut në gjetjen e masave

gjegjëse të organeve të ndjekjes, si dhe përpjekjeve dhe vështirësive me të cilat ata

ballafaqohen dhe takohen me kriminalitetin, por me vështrim të veçantë të veprave

penale të vrasjeve. Gjatë shqyrtimit të temës, përpjekjet kanë qenë të orientuara kah

prezantimi i gjendjes reale në luftën kundër këtyre dukurive negative, qasja ndaj

problemit nga ana e organeve të ndjekjes në aspektin kriminalistik dhe penal, por

gjithashtu edhe sipas zhvillimit të ndërgjegjes shoqërore në luftën kundër këtyre

dukurive negative. Duke marrë parasysh qasjen e organeve të ndjekjes luftës kundër

këtyre veprave penale, gatishmërinë e tyre, profesionalizmin, numrin e

pamjaftueshëm të kriminalistëve të cilët në mënyrë profesionale do t’i qaseshin luftës

kundër kësaj të keqeje, më kanë shtyrë që në këtë punim të tentoj të shtroj temën si

nga aspekti profesional dhe përvoja e arritur gjatë këtyre viteve, të jap kontributin

tim, që organet e ndjekjes të kenë qasje sa më të mirë për gjetjen e masave gjegjëse

dhe veprimeve në luftën kundër këtyre dukurive negative, si dhe për arritjen e

rezultateve më të mira në këtë luftë. Bazuar në gjendjen reale në terren dhe fakteve