Konsumi vetjak i narkotikëve dhe kushtet për aplikimin e përgjegjesisë penale

• Author: Ylli Pjetërnikaj - Enisa Shahini
• Position: Prokuroria pranë Gjykatës së Shkallës së Parë Tiranë - Shkolla e Magjistraturës
• Pages: 70-84

70

Vol. 4 No.2

September, 2018

Balkan Journal of Interdisciplinary Research

IIPCCL Publishing, Graz-Austria

ISSN 2410-759X

Acces online at www.iipccl.org

Konsumi vetjak i narkotikëve dhe kushtet për aplikimin e përgjegjesisë

penale

Magjistrat Ylli Pjetërnikaj

Prokuroria pranë Gjykatës së Shkallës së Parë Tiranë

Magjistrat kandidat Enisa Shahini

Shkolla e Magjistraturës

Abstrakt

Nga analiza e nenit 283 të Kodi Penal rezulton se si bazë të përgjegjësisë penale për prodhimin

dhe shitjen e narkotikëve pranohen dy kritere kryesore, përdorimi vetjak dhe në doza të

vogla, Këto dy kritere janë parashikuar për herë të parë me ligjin nr. 8733, datë 24.1.2001 për

disa ndryshime dhe shtesa në ligjin nr.7895, datë 27.1.1995 “Për kodin penal të Republikës

së Shqiperisë”. Kriteri përdorim vetjak nuk qëndron më vete. Ajo nuk mund të shërbejë e

vetme për të arritur në përfundimin se, duke u bazuar vetëm në ekzistencën e saj, të faktit të

provuar tashmë sipas të cilit lënda narkotike dhe psikotrope, mbahet për përdorim vetjak, nuk

ekziston edhe fi gura e krimit të parashikuar në nenin 283 të K.Penal.

Kështu ky kriter nuk mund të shërbejë i vetëm për të arritur në përfundimin se nuk ekziston

baza ligjore (fi gura e krimit) për të marrë mbajtësin e tyre në përgjegjësi penale (KBGJL. 2008.

1). Përkundrazi, për të mos u marrë mbajtësi i lëndëve të tilla në përgjegjësi penale duhet

të provohet se ekziston edhe rrethana e dytë, që ka lidhje me sasinë e këtyre lëndëve, e cila,

sikurse shprehet ligjvënësi në vetë dispozitën e përmendur, duhet të jetë “në doza të vogla”. Të

dy këto kritere duhet të ekzistojnë në mënyrë kumulative, që të bëhet i mundur mos aplikimi

i përgjegjësisë penale.

Në praktikën gjyqësore kanë lindur problematika të theksuara lidhur me kuptimin dhe

interpretimin e këtyre kritereve. Madje në jurisprudencë janë verejtur edhe qëndrime të

ndryshme të gjykatave të shkallëve të ndryshme lidhur me to.

Fjalët kyçe: narkotik, dozë, konsumim, tregtim, jurisprudencë.

Kuptimi ligjor i termit përdorimit vetjak

Përdorimi vetjak nënkupton mbajtje për konsum vetjak. Lidhur me këtë formë

(mbajtjen) të anës objektive të kësaj fi gure krimi, ligjvënësi, si kriter përcaktues për

ekzistencën e vetë fi gurës së krimit dhe, për pasojë, të bazës së përgjegjësisë penale

për personat që e konsumojnë atë, ka parashikuar dy rrethana specifi ke: së pari,

mbajtjen e substancave narkotike dhe psikotrope, si dhe të farave të bimëve narkotike

jo për përdorim vetiak dhe së dyti, edhe kur rezulton i provuar fakti që, këto lëndë

mbahen nga personi për përdorim vetiak, në aspektin sasior, ato nuk duhet të jenë në

doza të vogla.

Përdorimi vetjak është rrethanë fakti dhe rezultat i proçesit të të provuarit nëpërmjet

analizës të provave dhe indicieve, në të cilat duhet të bazohet gjykata për të arritur në

përfundime të drejta, nëse lënda narkotike dhe psikotrope, etj. mbahet nga personi

për përdorim vetjak apo për të kryer në v im,(pavarësisht se kur), ndonjërin, apo