Kontributi i psikologut në intervistimin e të miturve në rajonin e policisë

• Author: Drilona Llangos
• Position: Universiteti i Elbasanit
• Pages: 140-147

ISSN 2410-759X

Acces online at www.iipccl.org

Balkan Journal of Interdisciplinary Research

IIPCCL Publishing, Tirana-Albania Vol. 1 No. 2

September 2015

140

Kontributi i psikologut në intervistimin e të miturve në rajonin e policisë

Drilona Llangos

Universiteti i Elbasanit

Abstrakt

Përfshirja e psikologut ne institucionin e policisë është një risi për shoqërine tonë dhe një

fushë e re që ka nevojë për studime të mëtejshme. Problemi kryesor i këtij studimi është

eksplorimi i perceptimit të rolit të psikologut nga të miturit gjatë kohës që ata intervistohen

nga punonjësit e policisë.

Pyetja që shtrohet është: A e rrit prania e psikologut lirshmërinë e të shprehurit të të miturve

gjatë intervistimit në rajonin e policisë? Gjithashtu në studim do të analizohet ndikimi i

faktorëve të tretë në proçesin e intervistimit të të miturve si prejardhja, arsimimi i të miturve

si dhe mjedisi ku realizohet proçesi i intervistimit.

Studimi është cilësor dhe do të japë një kornizë të rolit të psikologut në institucionin e policisë.

Metodologjia e përdorur në realizimin e këtij studimi është: hulumtimi i literaturës dhe

pyetësori gjysëm i strukturuar. Kampioni i përzgjedhur për të realizuar studimin

përbëhet nga 20 të mitur, të grupmoshës 14 deri më 18 vjeç, si dhe 45 punonjës policie.

Rezulton që në prani të psikologut të miturit ndihen më të lirshëm në komunikim kjo

ndikon që raportimi i të dhënave të tyre të jetë deri diku më i saktë. Me ndikimin e

psikologut ata ndihen më të sigurt dhe shumë herë bëhen bashkëpunues duke ndihmuar

edhe punonjësin e policisë në zbardhjen e problematikës. Prania e psikologut në

institucionin e policisë ka dhënë një impakt pozitiv përmes modelit të komunikimit që

ofron në praktikën e punës së përditshme.

Fjale kyce : të mitur, intervistim, perceptim, psikolog, rajon policie.

Hyrje

Ky punim ka në fokus të tij punën e psikologut në institucionin e policisë. Kryesisht do

të analizojë rolin e tij kryesor: atë të asistimit ne proçesin e intervistimit të të miturve.

Nga praktika e përditshme del se nuk janë të pakta rastet e të miturve që shoqërohen në

ambientet e policisë në cilësinë e dëshmitarit të pranishëm ose autorit në një ngjarje

kriminale. Për këtë arsye ka disa standarte që ndihmojnë që pyetja e të miturve të bëhet

në përshtatje me veçoritë e moshës, temperamentit, për t’i dhënë mundësi të miturit të

kalojë emocionet, pengesat në komunikim dhe të përgjigjet në mënyrën e duhur.1

Qëllimi i studimit është të analizoj praninë e psikologut gjatë proçesit të intervistimit

të të miturve në rajonin e policisë.

Pyetja që shtrohet është: A e rrit prania e psikologut lirshmërinë e të shprehurit të

të miturve gjatë intervistimit në rajonin e policisë?

Metodologjia

Kampioni i përzgjedhur për të realizuar studimin përbëhej nga 20 të mitur, të

grupmoshës 14 deri 18 vjeç, autor apo të përfshirë në veprime të paligjshme kundër

pronës dhe përdorimit të lëndëve narkotike. Nga të miturit e përzgjedhur 14 prej

_____________________________________

1 Manual, Policia dhe te Drejtat e të miturve, 2009.