Kuptimi dhe tiparet themelore të veprimtarisë së policisë në Procedurën penale sipas KPPP-Kosoves te vitit 2004

• Author: Murat Hulaj
• Pages: 345-353

345

ISSN 2410-759X

Acces online at www.iipccl.org

Balkan Journal of Interdisciplinary Research

IIPCCL Publishing, Tirana-Albania Vol. 2 No. 1

May, 2016

Kuptimi dhe tiparet themelore të veprimtarisë së policisë në Procedurën

penale sipas KPPP-Kosoves te vitit 2004

PhD (C.) Murat Hulaj

Abstrakt

Kodi i Procedurës Penale, sidomos faza e procedurës paraprake, ka pësuar ndryshime

strukturale dhe kualitative, sepse tani shumë kompetenca të gjyqtarit hetues bartën te

prokurori publik i cili i zbaton dhe udhëheq hetimet, e në rast se veprime të caktuara

hetimore ia beson Policisë Gjyqësore, të njëjtat edhe i mbikëqyr. Në KPPK, procedura

paraprake përfshin fazën e paraqitjes së kallëzimit penal (Kapitulli XXIII, nenet 197-219

të KPPK-së), fazën e hetimeve (nenet 220-303), e deri te ngritja e aktakuzës (neni 304,

paragrafi 1) dhe të seancës për konfirmimin e saj (nenet 309-318).

Tash, shtrohet dilema nëse në Kodin e Procedurës Penale kemi fazën e procedurës

parapenale, dhe nëse po, cila është natyra dhe karakteri i veprimtarisë së policisë në këtë

fazë procedurale.

Fjalët kyçe: procedura paraprake, delegimi i kompetencave, policia gjyqësore dhe roli i

saj.

Procedura preliminare

Sipas LPP-së të ish-Jugosllavisë, i cili ishte i aplikueshëm deri me hyrjen në fuqi të

KPPK-së, procedurës paraprake i paraprinte procedura parapenale apo joformale,

në të cilën “zhvillohej një aktivitet i dendur operativ i policisë me qëllim që të tubojë

informata mbi veprën penale dhe kryesin, informata këto të cilat do t’i përdorë

prokurori kompetent si prova në kuptimin njohës, për të mbështetur kërkesën e vet

për zhvillimin e hetimeve drejtuar gjyqtarit hetues…” (bayer, 1988, 113). Këto

informata, të mbledhura, konsideroheshin se nuk kishin karakter procesual, por

vlera praktike dhe influenca e këtij materiali, në fazat e mëvonshme të procedurës,

ishte i padyshimtë dhe trajtimi i këtij materiali gjithmonë ka qenë problematik dhe

me shumë efekte negative.1

Pra, në këtë aspekt, shtrohet pyetja se a kemi procedurë parapenale në KPPK dhe si

trajtohet materiali i tubuar në këtë fazë.

Në Kodin e Procedurës Penale nuk ekziston një ndarje e tillë në veprime

paraprocesuale dhe veprime procesuale jo vetëm si skemë e organizimit të ligjit por

as si term. Në fakt, në KPPK, kemi procedurën parapenale, të cilën do ta quaja”

procedura preliminare”, si fazë e veçantë, ku në te synohet që të grumbullohen të

dhënat e nevojshme për të çmuar nëse ka vend për të ushtruar ndjekjen penale.

Fillimi i procedurës dhe mënyra se si bëhet paraqitja e kallëzimit penal dhe e

1 Pjesë nga prezantimi, në seminarin e cituar në Pejë, më 26 Dhjetor 2003 nga Dr. Ejup Sahiti, “…influenca

e këtij materiali provues nuk është veçuar dhe se kjo formë e zgjedhjes së sistemit të provave nuk ka qenë

e mire. Duke u nisur edhe nga fakti se në shtetet e ish Jugosllavisë si në Slloveni, Kroaci, Bosnje e

Hercegovinë, në legjislacionin e tyre të ri procedural nuk ka ndryshime të mëdha sa i përket fazës së

procedurës paraprake me dispozitat të cilat kanë ekzistuar në LPPJ-së, dhe duke u nisur nga kjo praktikë e

hidhur ka qenë dilemë e madhe shkalla apo vëllimi i autorizimeve që do t’i epen policisë”.