Legjislacioni për likuidimin e shoqërive tregtare në Kosovë konform Acquis Communautaire të BE -së

• Author: Armand Krasniqi
• Position: Universiteti i Prishtinës 'Hasan Prishtina'
• Pages: 41-50

41

ISSN 2410-759X

Acces online at www.iipccl.org

Balkan Journal of Interdisciplinary Research

IIPCCL Publishing, Tirana-Albania Vol. 1 No. 2

September 2015

Legjislacioni për likuidimin e shoqërive tregtare në Kosovë konform

Acquis Communautaire të BE -së

Prof asoc. Dr.sc. Armand Krasniqi

Universiteti i Prishtinës “Hasan Prishtina”

Hyrje

Problemet me të cilat sfidohen shoqëritë tregtare në vendin tonë janë të shumta.

Ato fillojnë që nga nevoja e pozicionimit në treg e deri të realizimi i objektivave dhe

synimeve për të cilat edhe janë krijuar. Këto vështirësitë në masë të madhe janë

produkt i ndikimit të efekteve të krizës ekonomike, tranzicionit, ekonomisë joformale,

konkurrencës jolojale,etj,. Mbase efektet negative të këtyre fenomeneve kanë impakt

të drejtpërdrejtë edhe në raportet ndërmjet pronarëve të shoqërisë të ndërlidhura

me kontradikta për modalitete e menaxhimi dhe përmbushjes së detyrimeve ndaj

kreditorëve. Në teori e praktikë dhe raporte vendore e ndërkombëtare më shumë

studime e kërkime i dedikohen natyrës së regjistrimit të shoqërive tregtare, ofrimit

të modaliteteve për thjeshtësimin e procedurave të regjistrimit duke e matur suksesin

vetëm në këtë dimension. Pak ose fare pak studime, raporte ose kërkime i dedikohen

faktit se sa biznese janë jofunksionale, pasive ose sa të çregjistruara dhe cili është

shkaku i tyre. Punim pretendon që analizojë një dimension bazën juridik të

rregullave, mënyrave dhe mundësive të mbylljes së një shoqërie tregtare nëpërmjet

procedurës së likuidimit. Procedurat e likuidimit1 ndonëse teoritikisht në një masë

të caktuar konsiderohen të jenë efektive, në realitetin tonë ato nga subjektet biznesore

nuk iniciohen as vullnetarisht e as nëpërmjet gjykatave të vendit. Legjislacioni që

rregullon procesin e likuidimit të subjekteve biznesore me marrëveshjen e pronarëve

ose atyre me paaftësi operuese, përfaqëson një nga pjesët më themelore të sistemit

juridik që rregullon këtë segment të tregut modern. Për nevojë të rregullit juridik të

procesit të likuidimit dhe formave tjera të shuarjes së shoqërive tregtare, vendet e

tranzicionit këta mekanizma ligjor i trajtojnë me kujdes kryesisht nëpërmjet

reformimit të sistemit legjislative. Duhet theksuar se vendet me traditë të gjatë më

ekonomi të tregut çështjen e rregullimit të procedurave efikase dhe efektive të

likuidimit i perceptojnë nga zonat më dinamike me ndjeshmëri të lartë. Kjo me qëllim

të ofrimit të zgjedhjeve të reja që më sukses të ndiqen trendët e ndryshimeve në

ekonomisë ndërkombëtare. Në këtë sferë kontribut të rëndësishëm japin edhe një

numër i caktuar i institucioneve ndërkombëtare dhe multilaterale siç janë BB,2 FMN,

UNCITRAL,3 BE4 dhe të tjerët.

___________________________________________________

1 Uka N., Fjalorë i drejtësisë, Tiranë 2011. Në këtë fjalorë fjala likuidim në kuptimin e shoqërive tregtare ka

të bëjë me procesin e shpërbërjes apo të mbylljes së një shoqërie i cili mund të jetë vullnetar, në marrëveshje

ndërmjet aksionarëve dhe, kur është e përshtatshme në koordinim me kreditorët e shoqërisë,ose mund të

jetë i detyrueshëm, më urdhër të një gjykate në bazë të padisë së një kreditori (ndonjëherë organeve

tatimore) dhe gjatë të cilit, aktivitetet e shoqërisë, nëse ka, pas shlyerjes së borxheve të saj u shpërndahen

aksionarëve, të cilët duhet të paguajnë tatimin për llogaritjen e të ardhurave nga likuidimi, që mund të

ndryshojnë në varësi të faktit nëse likuidimi është rezultat i një shpërbërjeje të thjeshtë ose i një shpërbërjeje

për qëllime bashkimi.

2 http://cour-europe-arbitrage.org/content.php?lang=en&delegation=1&id=1

3 http://www.uncitral.org/uncitral/en/uncitral_texts/arbitration/2010Arbitration_rules.html

4 http://cour-europe-arbitrage.org/content.php?lang=en&delegation=1&id=1