Liria e mallrave sipas vendimit të GJED Keck

• Author: Endri Papajorgji - Greta Alikaj
• Position: Dekan i Fakultetit të Drejtësisë i TBU (Tirana Business University) - Ministria e Zhvillimit ekonomik, Turizmit, Tregtise dhe Sipermarrjes
• Pages: 102-106

ISSN 2410-759X

Acces online at www.iipccl.org

Balkan Journal of Interdisciplinary Research

IIPCCL Publishing, Tirana-Albania Vol. 1 No. 2

September 2015

102

Liria e mallrave sipas vendimit të GJED Keck

Prof. assoc. Dr. (PhD Uni Graz) Endri Papajorgji

Dekan i Fakultetit të Drejtësisë i TBU (Tirana Business University)

Msc Greta Alikaj

Ministria e Zhvillimit ekonomik, Turizmit, Tregtise dhe Sipermarrjes

Abstrakt

Lindja e integrimit Europian në kuptimin e ngushtë filloi me planin e propozuar nga

ministri i jashtëm francez në vitin 1950 Robert Schuman për një Bashkësi Europiane të

Qymyrit dhe Çelikut, në bazë të së cilës qëndronin industria e rëndësishme e pasluftës e

qymyrit dhe çelikut e Francës, Gjermanisë si dhe e shteteve të tjera, të cilat kishin dëshirë

të ishin pjesëmarrëse në këtë organizatë supranacionale. Plani i krijuar shpejt nga

Sekretari i Përgjithshëm i Lidhjes së Kombeve Jean Monnet kishte si qëllim të afronte

Gjermaninë Perëndimore me Perëndimin në kohën e Luftës së Ftohtë dhe në të njejtën

kohë të shmangte një konflikt në lindje. Kjo nënkuptonte kontrollin e përbashkët të

industrisë së qymyrit dhe çelikut dhe jo si në Traktatin e Versailles kontrollin e kësaj

industrie prej Francës. Traktati për themelimin e Bashkësisë së Qymyrit dhe Çelikut

hyri në fuqi më 23.7.1952 me një afat 50 vjeçar dhe për këtë arsye më datën 23.7.2002 kjo

Bashkësi pushoi së ekzistuari. Një nga karakteristikat më të njohura të së drejtës së BE-

së dhe ajo që ka tërhequr vëmendjen më të madhe në funksionimin e sistemit ligjor të

Komunitetit është ndikimi i saj i fortë në integrimin ligjor dhe politik të shteteve anëtare.

Lëvizja e lirë e mallrave shërben për të krijuar tregun e përbashkët doganor dhe një treg

unik pa kufij. Bashkimi doganor, tregu i përbashkët dhe lëvizja e lirë e mallrave ndjekin

objektivin e sigurimit të një konkurrence të lirë mes mallrave nga shtetet anëtare, që nuk

shtrembërohet ose pengohet nëpërmjet normave shtetërore.

Në kuadër të sa më sipër, qëllimi kryesor i këtij artikulli është analiza e lëvizjes së lirë të

mallrave bazuar në një nga vendimet më të rëndësishme të GJED, sic është vendimi Keck.

Fjale kyçe: Traktati i Lisbones, liria e mallrave, Keck, GJED, BE.

Hyrje

Vendimi i GJED në cështjet Keck/Mithouard është përshkruar nga shumë juriste si një

ndryshim i ri në liritë themelore të GJED. Pasi liritë e mëparshme themelore qysh

nga Dassonville dhe Cassis de Dijon synonin një interpretim shumë të gjerë të kontrollit

të lirive themelore, me këtë vendim u kalua në fushën e zbatimit të kontrollit të

lirive themelore nga ana e GJED në një metodë të papërdorur më parë. Dallimi midis

“Kërkeses së produkteve “(product requirements) dhe “Marreveshjeve të shitjes “(selling

arrangements )” i ligjeve kombëtare të shteteve anëtare të BE-së ishte arritur deri

atehere nëpërmjet një rregulli të shteteve anëtare që e pengonte tregtinë në një formë

të drejtpërdrejtë ose të tërthortë, de facto ose potencialisht.1

Çdo rregull ose masë kombëtare mund të përmbushte këto kërkesa, qofshin këto

rregulla që i përkasin të drejtës publike ose të drejtës private, ligjit të konkurrencës,

të drejtës së reklamimit ose të drejtës së detyrimeve. Në kontrast me të drejtën e

___________________________________________

1 Vendim Nr. 8 i GJED i datës 1.7.1974 , (Dassonville).