Llojet e padive referuar kontratës së shitjes. Raste nga praktika gjyqësore

• Author: Hemion Braho
• Position: European University of Tirana
• Pages: 213-219

213

ISSN 2410-759X

Acces online at www.iipccl.org

Balkan Journal of Interdisciplinary Research

IIPCCL Publishing, Tirana-Albania Vol. 1 No. 2

September 2015

Llojet e padive referuar kontratës së shitjes. Raste nga praktika gjyqësore

Hemion Braho PhD

European University of Tirana

Abstrakt

Ky punim ka si synim një përqasje me fushën e kontratës së shitjes dhe mbrojtjes që ajo

gëzon, risitë dhe problematikat që sjell në fushën studimore padive që lidhen me këtë

kontratë. Kontrata e shitjes synon drejpërdrejt në realizimin e të drejtave materiale dhe

ekonomike të të dy palëve dhe është padyshim kontrata më e përdorur në fushën civile

duke zënë një peshë ekonomike të vecantë. Përhapja e gjerë e kësaj kontrate sjell si pasojë

edhe një kazistikë të lartë konflikti. Qëllimi i këtij punimi konsiston në studimin e mjeteve

të ndryshëm të mbrojtjes

Fjalëkyce: Bioetika, Teknika riprodhimi të asistuar, Modele teorik të së drejtës, Laicitet.

Hyrje

Kontrata e shitjes është një nga kontratat më të vjetra dhe padyshim më e përdorura

në qarkullimin civil, me anë të së cilës realizohen pjesa më e madhe e veprimeve

tregtare dhe e veprimeve juridike civile.

Kontrata e shitjes njihet si e tillë që nga e drejta romake dhe ka ardhur duke u

përsosur deri në ditët e sotme.

Në fillim është kontrata e shkëmbimit nëpërmjet së cilës një mall shkëmbehej me një

mall tjetër me një vlerë përafërshisht të njëjtë. Me përdorimin e monedhës shkëmbimi

i mallit filloi të realizohej me para dhe është pikerisht ky moment që shënon lindjen

e marrëdhënieve juridike të shitblerjes.

Në Kodin Civil kontrata e shitjes rregullohet nëTitullin II, në Kreun I dhe konkretisht

në nenin 705 në të cilin përcaktohet “Kontrata e shitjes ka për objekt kalimin e

pronësisë së një sendi ose kalimin e një të drejte kundrejt pagimit të një cmimi”

Kontrata e shitjes synon drejpërdrejt në realizimin e të drejtave materiale dhe

ekonomike të të dy palëve. Kontrata e shitjes është kontratë e dyanshme dhe me

shpërblim. Ajo është kontratë konsensuale, domehthënë e vlefshme që nga momenti

i arritjes së marrëveshjes së palëve.

Në disa raste ligji kërkon që kontrata e shitjes të jetë formale, për shembull shitja e

pasurive të paluajtshme duhet të bëhet me akt noterial dhe te regjishtrohet (Neni 83

paragrafi i parë I Kodit Civil), ose shitja e midis personave juridik e shtetërorë ose

privat të bëhet me shkresë sepse dokumentat nuk mund të provohet me dëshmitarë

(Nuni, 2013, 275) .

2. Paditë që burojnë nga kontrata e shitjes

Kontrata e shiktes tregtare synon drejtpërdrejt në realizimin e të drejtave materiale

dhe ekonomike te te dyja palëve dhe konsiston në shitjen e mallrave, të sendeve të

luajtshme, të të drejtave, të pjesëve të kapitalit etj. Që një kontratë shitjeje të jetë e