Mbrojtja juridike - penale dhe juridike - administrative e të drejtës së autorit sipas ligjit të zbatueshëm në Kosovë

• Author: Burim Tahiri
• Pages: 356-364

ISSN 2410-759X Balkan Journal of Interdisciplinary Research Vol 1 No 1

Acces online at www.iipccl.org IIPCCL Publishing, Tirana-Albania May 2015

356

Mbrojtja juridike - penale dhe juridike - administrative e të drejtës së autorit

sipas ligjit të zbatueshëm në Kosovë

Phd Burim Tahiri

Abstra kt

E drejta e autorit është e drejtë subjektive e karakterit absolut që ka rëndësi të vecantë për titullarin.

Duke marrë parasyshë faktin se kjo e drejtë dhe të drejtat e tjera të përafërta shkelen në vazhdimësi

në mënyra të ndryshme, janë bërë, po bëhet si dhe duhet të bëhen përpjekje për krijimin e një

rregullative e cila garanton mbrojtjen e kësaj të drejte. Vlen të theksohet se mbrojtja e kësaj të

drejte dhe e të drejtave të tjera të përafërta mund të bëhet në disa mënyra si ; mbrojtja juridiko-

civile, juridiko-penale, juridiko-administrative, ndërkombëtare dhe nëpërmjet arbitrazhit. Ne u

përcaktuam që ta trajtojmë mbrojtjen juridiko - penale dhe juridiko -administrative të së drejtës

së autorit dhe të drejtave të tjera të përafërta, në mënyrë që të identikohet cështjet me rëndësi të

këtyre formave të mbrojtjes së kësaj të drejte sipas legjislacionit pozitiv në Kosovë. Po ashtu kujdes

i vecantë do ti kushtohet trajtimit të vështirësive, perspektivës dhe suksesit të realizimit të mbrojtjes

së të drejtës së autorit dhe të drejtave të tjera të përafërta.

Fjalët kyce : E drejtë e autorit, Mbrojtje, Juridiko-penale, juridiko-administrative, rregullativë.

Hyrje

E Drejta e autorit si e drejtë subjektive e karakterit absolut është me rëndësi të veçatë për

titullarët, sipas të drejtës pozitive por edhe sipas të drejtës evropiane dhe ndërkombëtare.

Duke marrë parasyshë rëndësinë e kësaj të drejte, ligjvënësi ka bërë, bën si dhe duhet të

bëjë vazhdimisht përpjekje për rregullimin më të mirë të mbrojtjes së të drejtës së autorit

dhe të drejtave të tjera të përafërta. Këtë para së gjithash e bënë rregullativa nacionale

nën ndikimin e rregullave të konventave ndërkombëtare sepse rregullativa e unikuar

obligon nënshkruesit dhe ratikuesit që legjislacionin e tyre nacional ta harmonizojnë

më rregullativën e unikuar andaj me këtë edhe të drejtat e tyre bëhën pjesë përbërëse e

rendit juridik nacional. Me këtë i kontibohet shumë mbrojtjes bashkëkohore të së drejtës

së autorit dhe të drejtave të tjera të përafërta. Kuptohet, me këto rrjedha nuk duhet të

egzistojë kurrëfar iluzioni se është lehtë të krijohet e drejta nacionale e unikuar me të

drejtën e Unionit Europian dhe më gjerë sepse në këtë rrugëtim ka pengesa të natyrave

të ndryshme. E drejta e autorit dhe të drejtat e tjera të përafërta parimisht gëzojnë të

drejtën për mbrojtje gjyqësore dhe mënyrën se si duhet të realizohet kjo mbrojtje, si dhe

autorizimin për këtë mbrojtje nga bartësit ose titullarët e këtyre të drejtave dhe tuesit e

të drejtave ekskluzive të kësaj fushe. Kjo mbrojtje mund të realizohet përmes mbrojtjes

juridiko-civile, juridiko-penale, juridiko-administrative, ndërkombëtare dhe nëpërmjet

arbitrazhit. Këtë mbrojtje mund të realizojë individi i caktuar ose mund të organizohet

mbrojtje kolektive e së drejtës së autorit dhe e të drejtave të tjera të përafërta, kështu

që duhet thënë që këto subjekte i realizojnë këto të drejta në procedurë gjyqësore. Në

këtë punim do të trajtohen mbrojtja juridiko-penale dhe juridiko-administrative si dhe

vështirësite, përspektiva dhe suksesi i realizimit të mbrojtjes së të drejtës së autorit dhe të

drejtave të tjera të përaferta.