Mungesa e mundësive të femrave në fushën e Teknologjisë Informative dhe komunikimit - rasti i Kosovës

• Author: Afërdita Çekaj- Thaçi
• Position: Economic Sciences-Management Information Systems, European University of Tirana
• Pages: 281-292

281

ISSN 2410-759X

Acces online at www.iipccl.org

Balkan Journal of Interdisciplinary Research

IIPCCL Publishing, Tirana-Albania Vol. 2 No. 1

May, 2016

Mungesa e mundësive të femrave në fushën e Teknologjisë Informative

dhe komunikimit – rasti i Kosovës

MSc. Afërdita Çekaj- Thaçi - PhD (C)

Economic Sciences-Management Information Systems, European University of Tirana

Abstrakt

Zhvillimet e fundit të teknologjisë informative në botë, kanë krijuar një ambient të ri në

sektorin e prodhimit dhe shërbimit të TIK-ut. Zhvillimet në infrastrukturë kanë bërë që

shtetet e zhvilluara të zhvillojnë strategji të ndryshme në rritjen e prodhimit hardverik

dhe softverik në mënyrë që të stimulojnë rritje ekonomike. Shumë shtete nga e gjithë

bota, përfshirë edhe ato më pak të zhvilluara, fuqishëm po investojnë në fushën e TIK-ut

si një fushë e re e cila po ndryshon dhe po lehtëson mënyrën e jetesës. Bashkimi Europian

– BE ka zhvilluar një strategji të ndarjes së fondacioneve në fushën e TIK-ut në mënyrë që

të stimuloj kërkimet në këtë fushë shumë të rëndësishme. Kosova, si një ndër shtetet më

të reja në botë, me shumë mund ka arritur të integrohet në këto shpikjet e fundit të TIK-

ut. Për shembull, implementimi i teknologjisë 3G apo 4G në Kosovë, është shumë i

vonshëm në krahasim me shtetet tjera më të zhvilluara. Ky hulumtim shkencor do të

analizoj barrierat kryesore që ndikojnë negativisht në pjesëmarrjen e femrave dhe grave

në fushën e teknologjisë informative. Në bazë të këtyre barrierave janë rekomanduar

disa sygjerime në mënyrë që të rritet pjesëmarrja e femrave dhe grave në fushën e TIK-ut.

Fjalët kyçe: teknologjia informative, gratë, femrat, zhvillimi ekonomik, integrimi.

Hyrja

Përderisa tregu i Teknologjisë Informative dhe Komunikimit - TIK në Kosovë është

në rritje të vazhdueshme, industria e TIK si dhe bizneset e saj pritet të rriten në

nivel lokal dhe regjional. Këto biznese përfshijnë shërbime të internetit, zhvillim

softwerik, riparime dhe mirëmbajtje, trajnime dhe certifikime, etj. Sektori i TIK ende

nuk i ka shfrytëzuar të gjitha potencialet e tij në Kosovë, prandaj angazhimi i

femnrave apo grave në këtë industri është i domosdoshëm në arritjen e nivelit më të

lartë të shrytëzimit të TIK-ut në Kosovë (Berisha, 2013). Në nivelin global, interesimi

i grave në këtë fushë është duke u rritur gradualisht. Përvec kësaj, ato kanë arritur

rezultatë jashtëzakonisht të mira duke e zhvilluar botën e teknologjisë. Këto

zhvillime teknologjike po arrihen përmes përkrahjes së bizneseve të ndryshme të

cilat po ndikojnë edhe në ngritje të nivelit ekonomik të një shteti (Qafa, 2014). Edhe

pse këto zhvillime teknologjike nga gratë janë në rritje të vazhdueshme, ende ka

probleme të dukshme në këtë industri. Bazuar në një raport të “Broadband

Commission Working Group”, rreth 200 milion gra në të gjithë botën nuk kanë

qasje në internet. Pritet që në vitin 2016 ky numër të rritet deri në 350 milion. Nga

ky raport mund të kuptojmë se trajtimi i gruas në këtë industri është shumë i dobët

dhe se ky problem i grave në TIK po rritet dukshëm (Women in Tech, 2013).