Ndikimi i madhësisë së klasës në performancën e nxënësve dhe në mësimdhënie

• Author: Hysen Kasumi
• Position: English Faculty, AAB University, Prishtinë, Kosovë
• Pages: 257-265

ISSN 2410-759X Balkan Journal of Interdisciplinary Research Special Issue No 1

Acces online at www.iipccl.org IIPCCL Publishing, Tirana-Albania June 2015

257

Ndikimi i madhësisë së klasës në performancën e nxënësve

dhe në mësimdhënie

PhDc. Hysen Kasumi

English Faculty, AAB University

Prishtinë, Kosovë

Abstrakt

Niveli i mësimdhënies dhe mësimnxënies, gjithsesi, luan një rol të rëndësishëm në ngritjen e

performancës së nxënësve, gjatë procesit mësimor në klasë. Gjithashtu, edhe shumë faktorë të tjerë,

ndikojnë në një performancë të suksesshme të nxënësve dhe në mësimdhënie. Ndër të tjera, mund

të përmendet edhe madhësia e klasës, që njëherit është edhe tema e këtij punimi shkencor.Sa i

përket ndikimit të madhësisë së klasës, apo më saktësisht, numrit të nxënësve brenda klasës, në

performancën e nxënësve dhe në mësimdhënie, është zhvilluar një hulumtim empirik, rezultatet

e të cilit janë pasqyruar në këtë punim. Hulumtimi është zhvilluar në shkollat e disa komunave të

Kosovës, të arsimit llor dhe arsimit të mesëm të ulët. Rezultatet janë paraqitur në formë tabelare.

A mund të jenë më të suksesshme shkollat private, me numër më të vogël të nxënësve nëpër

klasa?Gjithashtu, rishikimi i literaturës, përbën një pjesë të rëndësishme të punimit, ku gërshetohen

teori të ndryshme, lidhur me çështjen, duke sjellur përvoja të ndryshme nga vendet e OECD-së,

përkitazi me ndikimin e madhësisë së klasës në performancën e nxënësve në mësimdhënie.

Fjalët kyqe: Mësimdhënia, performanca e nxënësve, madhësia e klasës, shkollat e Kosovës.

Hyrje

Madhësia e klasës1, jo që është e debatueshme vetëm në Republikën e Kosovës, por

pothuajse edhe në shumicën e vendeve evropiane e më gjerë. Klasa me numër më të vogël

të nxënësve shpesh përceptohet në atë mënyrë që u lejon mësimdhënësve të fokusohen

më tepër në nevojat individuale të nxënësve dhe të shkurtojnë sasinë e kohës në klasë,

që mësimdhënësit shpenzojnë në gjëra të tjera; si në disiplinë, apo në përçarje ndërmjet

nxënësve.

Një numër i madh faktorësh ndikojnë në ndërveprimin ndërmjet mësuesve dhe nxënësve

në klasë. Ndikimet e tjera përfshijnë: lëndën mësimore, ndarjen e kohës së mësuesit në mes

të mësimdhënies dhe detyrave të tjera, grupimin e nxënësve brenda klasës dhe praktikat

në mësimdhënien në grupe apo skuadër. Po të njëjtin këndvështrim, mund të gjejmë edhe

në literaturë të gjerë, ku thuhet se nuk ka një ndryshim të mjaueshëm në madhësinë

e klasës për të vlerësuar efektet e vërteta të kësaj variable në performancën e nxënësve.

Përfundimisht, fakti që marrëdhënia ndërmjet madhësisë së klasës dhe performancës

është shpeshherë jo lineare, e bënë të vështirë edhe vlerësimin.

Por ç’farë ndikimi ka madhësia e klasës në performancën e nxënësve përsa i përket

gjuhës angleze në Republikën e Kosovës? Kjo do të shihet duke u bazuar si në tabelat dhe

1Termi ‘Madhesi e klases’ i referohet numrit të madh të nxënësve në klasë, cilësisë brenda klasës

dhe me performancën e vet nxënësve.