Parimi i mosdiskriminimit në punë në bazë të praktikës së Gjykatës Europiane të Drejtësisë, Barra e Provës

• Author: Eranda Maraj
• Pages: 359-364

ISSN 2410-759X Balkan Journal of Interdisciplinary Research Special Issue No 1

Acces online at www.iipccl.org IIPCCL Publishing, Tirana-Albania June 2015

359

Parimi i mosdiskriminimit në punë në bazë të praktikës së Gjykatës

Europiane të Drejtësisë, Barra e Provës

LL.M.Eranda Maraj

Abstrakt

Ky studim trajton shpëndarjen e barrës së provës në çështje që lidhen me parimin e

mosdiskriminimit në marrëdhëniet e punës, në bazë të praktikës së Gjykatës Europiane të Drejtësisë

dhe Gjykatës Europiane të të Drejtave të Njeriut.Studimi është përqëndruar në një aspekt shumë

të rëndësishëm që është vështirësia e provueshmërisë së diskriminimit. Është trajtuar përkuzimi

i diskriminimit sipas akteve të komunitetit dhe dy gjykatave që janë marrë për trajtim dhe në

mënyrë të veçantë i diskriminimit indirekt.Janë pasqyruar raste nga praktika e GJED, në të cilat

është trajtuar veçanërisht koncepti i barrës së provës dhe perfundimet e të cilave janë kthyer në

parime të mirëllta dhe që ndiqen nga gjykatat kombëtare e ndërkombëtare në procesin delikat

të të provuarit të diskriminimit.Është shpjeguar se cilat janë disa nga rrethanat që gjykatat nuk

i marrin parasysh ose nuk i llogarisin si prova.Është shpjeguar raporti ndërmjet kujve të ligjit

kombëtar dhe praktikës së legjislacionit Europian në përcaktimin e barrës së provës.Është trajtuar

roli i statistikave si një mjet i mundshëm për të vërejtur diskriminimin e tërthortë.

Hyrje

Me hyrjen në fuqi të Traktatit të Amsterdamit në vitin 1999, nxitja e barazise u shndërrua

në një nga detyrat themelore të KE-së.Të drejtat e barazisë gjinore në Komunitetin

Europian e kanë zanallën tek Traktati që e themeloi atë, i cili është më i vjetër se Traktati i

Bashkimit Europian (Traktati i Lisbonës).Në Gjykatën Europiane të Drejtësisë janë gjykuar

shumë çështje lidhur me zbatimin e parimit për ndalimin e diskriminimit në punë, nga

të cilat shumë prej tyre i referohen ndalimit të diskriminimit gjinor.Rregulla të posacme

dhe të hollësishme lidhur me ndalimin e diskriminimit janë parashikuar e përcaktuar në

konventa të vecanta, kushtuar vetëm eleminimit të diskriminimit për shkaqe specike që

mbulohen prej tyre.

Diskriminimi i drejtpërdrejtë dhe ai i tërthortë

Në aktet ligjore të Bashkimit Europian ndalohet në mënyrë të shprehur jo vetëm

diskriminimi i drejtëpërdrejtë por edhe ai i tërthortë.

Diskriminimi i drejtëpërdrejtë ndodh kur një person trajtohet në mënyrë më pak të

favorshme për shkak te seksit, ngjyrës, përkatësisë fetare, orientimit seksual, kombësisë,

origjinë racore e etnike, paaësisë, moshës, etj

Diskriminimi i drejtpërdrejtë është i lidhur edhe me zbatimin e një rregulle apo kriteri

neutral, i cili sjell pasoja negative për një grup vetëm për shkak të natyrës së tij. Njihen

përjashtimet nga trajtimi si diskriminim i drejtpërdrejtë, por duhen parashikuar

përjashtime të ndryshme për shkaqe të ndryshme. Është shumë e vështirë të gjenden