Përcaktimi i modelit të gjeoidit për territorin e Republikës së Shqipërisë duke përdorur modelet globale gjeopotenciale

• Pages: 58-69

58

Vol. 7 No.2

September, 2021

Balkan Journal of Interdisciplinary Research

IIPCCL Publishing, Graz-Austria

ISSN 2410-759X

Acces online at www.iipccl.org

Përcaktimi i modelit të gjeoidit për territorin e Republikës së Shqipërisë

duke përdorur modelet globale gjeopotenciale

PhD (C.) Fitore Bajrami

Universiteti i Prishtinës, Fakulteti i Ndërtimtarisë-Departamenti i gjeodezisë

PhD (C.) Milot Lubishtani

Sektori privat

Abstrakt

Një nga detyrat kryesore të gjeodezisë është përcaktimi i gjeoidit, i cili përcaktohet si një

sipërfaqe ekuipotenciale e fushës së gravitetit të Tokës, që përkon mesatarisht me nivelin

mesatar të detit. Në këtë studim është përdorur metoda DFHRS1 (www.d bf.de), e zhvilluar

nga Universiteti i Shkencave të Zbatuara të Karlsruhe, Fakulteti i Gjeomatikës (Jäger, 1999),

për përcaktimin e modelit më të përshtatshëm të gjeoidit për territorin e Republikës së

Shqipërisë. Baza e të dhënave e përdorur për llogaritje, përbëhet nga pikat me koordinata

tredimensionale të përcaktuara me matje GPS në ETRF2000, si dhe lartësinë e përcaktuar me

nivelim të saktë. Fokusi kryesor i këtij studimi është vendosur në llogaritjen e modelit më

të përshtatshëm të gjeoidit për territorin e Shqipërisë duke përdorur 3 (tre) modele globale

gjeopotenciale (EGM96, EGG97, EIGEN04). Pas analizimit të rezultateve dhe krahasimit të

modeleve ndërmjet vete është bërë përzgjedhja e modelit EGG97 si modeli më i përshtatshëm

për territorin e Shqipërisë.

Fjalë kyçe: Modeli i gjeoidit, modelet globale gjeopotenciale, GPS/nivelim, metoda DFHRS,

Republika e Shqipërisë.

Hyrje

Qëllimi i këtij hulumtimi ishte llogaritja e një modeli të gjeoidit më të përshtatshëm

për territorin e Shqipërisë duke përdorur 3 (tre) modele globale gjeopotenciale.

Llogaritja është bërë duke përdorur metodën DFHRS (www.d bf.de), e zhvilluar

nga Universiteti i Shkencave të Zbatuara të Karlsruhe, Fakulteti i Gjeomatikës (Jäger,

1999), në të cilin janë testuar modelet globale gjeopotenciale EGM96, EGG97, EIGEN04.

Këto modele janë të integruara në softuerin DFHRS të cilët na mundësojnë që të

vazhdojmë me procedurën e llogaritjeve të mëtutjeshme. Pikat të cilat janë përdorur

për llogaritje janë nga përmbledhja e relacionit mbi punimet gjeodezike të kryera

nga Instituti i Firencës në Shqipëri për llogaritjen e parametrave të transformimit

nga referenca lokale ALB86 në referencën evropiane ETRF2000, epoka 2008.0. Janë

të përfshira 151 pika të territorit të Republikës së Shqipërisë, të cilat kanë koordinata

tredimensionale të përcaktuara me GPS në ETRF2000, si dhe lartësinë e përcaktuar

me nivelim të saktë, paraqitja graf‌i ke e të dhënave mund të shihet në f‌i gurën 1.

1 DFHRS - Digital Finite Element Height Reference Surface.