Përgjegjësia Deliktore në Sport: Aspekt Krahasues mes Shteteve të Bashkuara të Amerikës dhe Republikës së Kosovës

• Author: Bionda Rexhepi
• Position: Zyrtare Ligjore në Gjykatën Themelore në Gjilan, Kosovë
• Pages: 121-131

121

Balkan Journal of Interdisciplinary Research

IIPCCL Publishing, Graz-Austria

ISSN 2410-759X

Acces online at www.iipccl.org

Vol. 6 No.2

September, 2020

Përgjegjësia Deliktore në Sport:

Aspekt Krahasues mes Shteteve të Bashkuara të Amerikës dhe Republikës së

Kosovës

LLM Bionda Rexhepi

Zyrtare Ligjore në Gjykatën Themelore në Gjilan, Kosovë

Abstrakt

E drejta sportive dhe përgjegjësia deliktore? Çka i bashkon këto dy fusha dhe ku ngërthehen

mes vete? E drejta e një personi për të ushtruar hobin e t /saj apo thjeshtë për të përcjellur një

ngjarje sportive a duhet të ketë limite dhe nëse po, deri ku shkojnë këto limite? A shkakton

përgjegjësi deliktore mospërmbajtja e rregullave gjatë ushtrimit të sportit apo përcjelljes së saj,

dhe mbi të gjitha cilat janë këto rregulla?

Ky punim synon të i përgjigjet këtyre pyetjeve duke bërë krahasimin mes përgjegjësisë deliktore

të sportit në të drejtën e Shteteve të Bashkuara të Amerikës dhe Republikës së Kosovës.

Për të kuptuar më mirë këtë institut të së drejtës, do të analizohet normatizimi i kësaj

përgjegjësie në të dy shtetet dhe praktikimi i saj.

Fjalët kyce: Përgjegjësia deliktore, dëmi, veprimtaria e rrezikshme dhe dëmshpërblimi.

1. Kuptimi i përgjegjësisë deliktore në sport

E drejta sportive (Sports Law) është një e drejtë me zhvillim të ri njëzet vitet e fundit

në Bashkimin Europian. Paraqitet si e drejtë prioritare pas hyrjes në fuqi të Traktatit

të Lisbonës dhe jurisprudencës së vrullshme të Gjykatës së Drejtësisë së Bashkimit

Europian dhe Gjykatës së Arbitrazhit të Sporteve.1

Në Ligjin për Marrëdhëniet e Detyrimeve të Kosovës, përgjegjësia deliktore nënkupton

shkaktimin e dëmit. Në shkaktimin e dëmit, marrëdhënia e detyrimit kr ohet nga

vetë fakti se dëmi i është shkaktuar të dëmtuarit. Kur dëmi i shkaktohet të dëmtuarit,

kr ohet përgjegjësia-detyra e dëmtuesit për shpërblimin e dëmit. Përgjegjësia për

dëmshpërblim quhet edhe përgjegjësi deliktore-civile.2 Përgjegjësinë deliktore në

sistemin normativ të Kosovës e ndajmë në përgjegjësi subjektive që nënkupton që

dëmi është shkaktuar me fajin e personit dhe përgjegjësinë objektive që nënkupton

shkaktimin e dëmit, pavarësisht fajit.3

Në Torts Law-E drejta e dëmit- në Shtetet e Bashkuara të Amerikës, përgjegjësia

deliktore, apo siç njihet në gjuhën angleze-tort është sjelle që dëmton njerëzit e tjerë ose

pronat e tyre dhe për këtë personi që e shkakton, duhet të mbulojë dëmin.4 Sipas Torts

Law, ekzistojnë tri lloje të dëmeve: me dashje, nga neglizhenca dhe nga përgjegjësia.

1 Sports Law, USLegal, https://sportslaw.uslegal.com/, 6:42 PM.

2 Dauti Nerxhivane (2016) E drejta e detyrimeve, pjesa e përgjithshme, Universiteti i Prishtinës “Hasan

Prishtina”, Fakulteti Juridik, Prishtinë, fq. 152.

3 Berisha Ruzhdi (2013), Bazat e Përgjegjësisë në Komentar i Ligjit për Marrëdhëniet e Detyrimeve, Libri I,

UNDP, fq.160.

4 Tort Law, USLegal, https://sportslaw.uslegal.com/tort-law/,Chapter I,USLegal is a registered trademark,

6:16 PM