Përkufizimi dhe matja e riskut të kreditit, analizë grafike e treguesve të riskut të kreditit

• Author: Enida Istrefi
• Position: Fakulteti Biznesit, Universiteti 'Aleksandër Moisiu' Durrës
• Pages: 114-122

ISSN 2410-759X

Acces online at www.iipccl.org

Balkan Journal of Interdisciplinary Research

IIPCCL Publishing, Tirana-Albania Vol. 1 No. 3

January 2016

114

Përkufizimi dhe matja e riskut të kreditit, analizë grafike e treguesve të

riskut të kreditit

Msc. Enida Istrefi

Fakulteti Biznesit, Universiteti “Aleksandër Moisiu” Durrës

Abstrakt

Thuajse të gjithë konsumatorët përdorin produktet dhe shërbimet bankare. Nëse ky treg

do të funksiononte më së miri atëherë sigurisht që zhvillimi ekonomik do të kishte ritme

perparimi të shpejta.Funksionimi i mirë i sistemit bankar është një faktor i rëndësishëm

për kanalizimin e fondeve në ekonomi në mënyrë efikase dhe për rritjen e ndërmjetësimit

bankar. Nxitja e konkurrencës në sistemin bankar është një tjetër faktor, që ndikon në

ofrimin e shërbimeve sa më të mira për klientët, që siguron përdorimin e teknologjisë së

re bankare, prezantimin e produkteve dhe shërbimeve të reja dhe uljen e kostos të

shërbimit bankar. Kjo i ndihmon bankat të rrisin klientelën e tyre dhe të kenë më tepër

hapësira për zgjerim aktiviteti dhe rritje fitimesh dhe njëkohësisht do të ndihmojnë

zhvillimin ekonomik te vendit.Por në të gjithë këtë aktivitet kaq të zgjeruar, padyshim që

dhe problemet e sektorit bankar do të jenë të shumta. Një nga problemet më të mëdha që

ka ka ndeshur tregu bankar jo vetëm brenda vendit tonë por edhe më gjërë është rritja e

ndjeshme e nivelit të kredive me probleme apo e kredive të pakthyera që përkthehen si

humbje për bankën.Për këtë arsye për të shmangur këtë kolaps në të cilën është futur

sektori bankar është e nevojshme jo vetëm matja e riskut të kreditit por edhe marrja e

masave të duhura për ta minimizuar këtë risk pse jo dhe për ta shmangur plotësisht

Fjalët kyçe: Risk i kreditit, BSH, Kontatë kredie, Menaxhimi i riskut të kreditit.

Hyrje

Sistemi bankar në Shqipëri është zhvilluar shumë vitet e fundit dhe përdrimi i

produkteteve të bankës gjithnjë e më tepër është i pranishëm në jetën tonë të

përditshme. Një sistem bankar i shëndetshëm është pasqyrë e një zhvillimi të mirë

ekonomik dhe e një mirëqenie të kënaqashme të shoqërisë. Tema që kam zgjedhur të

trajtoj është matja e riskut të kreditit në bankat e nivelit të dytë në Shqipëri. Në këtë

punim kam prekur disa çështje të cilat më janë dukur si më të përshtatshme për të

shpjeguar riskun e kreditit, të renditura si më poshtë: çfarë është risku i kreditit; si

e përkufizojnë riskun e kreditit analistë të fushës si dhe Banka e Shqipërisë; faktorët

kryesor që ndikojnë në rritjen e kredive të këqija. Më pas jamë ndalur në rolin

promotor që ka banka në ekonomi e veçanërisht; produktet kryesore të bankave të

nivelit të dytë, funksionet e Bankës së Shqipërisë si bankë Qendrore etj. Duke qenë

se kredia është produkti kryesor në banka dhe duke qenë se tema ime fokusohet

pikërisht në matjen e rrezikut që vjen si pasojë e rritjes së nivelit të kredive me

probeme kam bërë dhe klasifikimin e llojeve të kredive sipas disa kritereve. Së fundmi

kam bërë dhe një analizë, duke marrë në shqyrtim 6 bankat më të mëdha të sistemit

tonë bankar, në të cilën kam krahasuar raportin e kredive të këqija (NPL-Non

Performing Loans) me portofolin total të kredive.