Përvojat e të dënuarve në Shërbimin e Provës Tiranë

• Author: Jeta Shkurti (Toçila)
• Position: Universiteti i Tiranës, Fakulteti i Shkencave Sociale
• Pages: 94-99

ISSN 2410-759X

Acces online at www.iipccl.org

Balkan Journal of Interdisciplinary Research

IIPCCL Publishing, Tirana-Albania Vol. 2 No. 1

May, 2016

94

Përvojat e të dënuarve në Shërbimin e Provës Tiranë

PhD (C.) Jeta Shkurti (Toçila)

Universiteti i Tiranës, Fakulteti i Shkencave Sociale

Abstrakt

Ky studim synon të eksplorojë përvojat e të dënuarve në Shërbimin e Provës Tiranë.

Shërbimi I Provës është institucion i ri në Shqipëri. Ai është krijuar në vitin 2009, me

mbështetjen e OSCE.

Gjatë këtyre viteve Shërbimi i Provës është konsultuar me përvojat e shërbimeve të

provës në Europë duke u përpjekur të marrë modelet më të mira. Por deri më sot nuk

është bërë ndonjë studim për të parë ndikimin e këtij shërbimi tek të dënuarit. Ky

studim synon të identifikojë parimet bazë të praktikave efektive të shërbimit të provës

dhe të zbulojë mënyrat se si punonjësit e shërbimit të provës kanë ndihmuar të dënuarit.

Gjithashtu të zbulojë se si mbikëqyrja ka ndikuar në motivimin e të dënuarve për

ndryshim dhe në qëndrimet ndaj krimit. Ky studim përdor metoda kualitative të

mbledhjes së të dhënave dhe të analizimit. Janë intervistuar 10 të dënuar, të gjithë në

mënyrë individuale. Ka rezultuar se në përgjithësi mbikëqyrja është parë si përvojë

pozitive nga të dënuarit. Është gjetur se kur punonjësi i shërbimit të provës ka praktikuar

mbikëqyrje në terren, të dënuarit janë shprehur se kanë patur mbështetjen e nevojshme

për tu larguar nga krimi. Megjithatë për ata që nuk janë të motivuar të desistojnë nga

krimi, mbikëqyrja ofron një rutinë dhe plan që redukton riskun për recedivizëm.

Megjithëse ky studim është I përmasave të vogla dhe gjetjet nuk mund të përgjithësohen,

për gjithë të dënuarit në Shqipëri, demonstron vlerën e feedbackut me qëllim zhvillimin

me efektivitet të praktikave të shërbimit të provës.

Fjalët kyçe : shërbimi I provës, mbikëqyrje, recedivizëm, i dënuar.

Hyrje

Shërbimi i Provës në Shqipëri ka si qëllim dhe mision të tij, mbikëqyrjen dhe

mbështetjen e zbatimit të dënimeve alternative me qëllim mbrojtjen e interesave

publike, parandalimin e kryerjes së veprave penale, asistimin e personit të dënuar

për përmbushjen e detyrimeve që rrjedhin nga dënimi alternativ, asistimin e personit

të dënuar për kapërcimin e vështirësive për riintegrimin e tij shoqëror dhe të sjellë

ndryshime pozitive në sjelljen e të dënuarve.

Shërbimi i Provës, bashkëpunon dhe paraqet informacion dhe raporte para

prokurorisë dhe gjykatës sipas parashikimeve ligjore, përcakton metodat e zbatimit

të dënimit alternativ në përputhje me parashikimet ligjore. Kur është e nevojshme

bashkëpunon me institucione shtetërore, qendrore apo lokale, me komunitetin lokal,

si dhe me institucione të tjera dhe organizata jofitimprurëse për zbatimin e dënimeve

alternative.

Tashmë janë më se të qarta dhe të prekshme vlerat humane që mbart ky institucion

ndaj trajtimit të shkelësve të ligjit, në gjetjen e një sistemi efikas ndëshkimi, dhe

ndryshimin e ndëshkimit nga izolimi në burgje, në drejtësinë restauruese dhe

risocializimin e tyre në shoqëri.