Politika e Gjelbër - perspektivë e nënavancuar në Marrëdhëniet Ndërkombëtare

• Author: Adnan Limani
• Position: Universiteti Europian i Tiranës
• Pages: 220-230

ISSN 2410-759X Balkan Journal of Interdisciplinary Research Vol 1 No 1

Acces online at www.iipccl.org IIPCCL Publishing, Tirana-Albania May 2015

220

Politika e Gjelbër - perspektivë e nënavancuar në Marrëdhëniet

Ndërkombëtare

Dr. Adnan Limani

Universiteti Europian i Tiranës

Abstra kt

Autori në këtë studim trajton politikën e gjelbër si një perspektivë të re për të cilën ka një numër

shkrimesh përbrënda sferës së Marrëdhënieve Ndërkombëtare, por që në rastin më të mirë ka ende

hapësirë dhe nevojë për të studjuar, nga arsyeja se kjo politikë ka ende një pozicion të nënavancuar

dhe të nënvlerësuar në Marrëdhëniet Ndërkombëtare. Në Marrëdhëniet Ndërkombëtare politika

e gjelbër më shumë fokusohet në strukturat, proceset politike dhe në mënyren se si këto struktura

dhe procese politike mbizotëruese i ndihmojnë shkatërrimit të natyrës. Objekti qëndror i analizës,

si dhe qëllimi i hulumtimit të kësaj politike është mënyra se si shoqëria njerëzore shkatërron specie e

ekosisteme, duke penguar kështu funksionimin e suksesshëm të biosferës nga e cila varet mbijetesa

e shoqërisë njerëzore. Politika e gjelbër në karakterin e vet ka pozicionim global. Pozicionimi i

gjelbër, politikat globale i adreson në një mënyrë të veçantë, por që ka edhe aspekte të përbashkëta

me pozicionime të tjera. Megjithatë, kontributi i politikës së gjelbër dallon dhe është i veçantë në

Marrëdhëniet Ndërkombëtare, sepse ajo ofron një analizë dhe shpjegim alternativ të problemeve

politike dhe të procesit të negocimit ndëkombëtar ndaj qasjeve nacionaliste tradicionale si dhe

ka promovuar ligjërime të reja normative, që kanë prodhuar propozime alternative politikë-

formimi në raport me ato që kanë dominuar deri tani negociatat ndërkombëtare. Duke shetuar

përmbajtjen e kësaj politike gjejmë analizat e dinamikave dhe të politikave globale, mirëpo, aty

gjejmë edhe vizionet normative për ristrukturimin e politikave globale. Që të konstruktohet një

pozicionim i gjelbër në Marrëdhëniet Ndërkombëtare, argumentat dhe idetë duhet vjelë nga teoria

politike e gjelbër, dhe nga “Ekologjia globale”. Ky konstruktim i politikës së gjelbër bëhet përmes

etiketimit ekocentrik ndaj rritjes, si dhe përmes decentralizimit të pushtetit, e që janë qëndrimet

kryesore të kësaj politike. Teoria e politike e gjelbër dhe “Ekologjia globale” na japin shpjegime

të shumta të shkatërrimeve të natyrës nga ana e shoqërisë njerëzore, por gjithashtu me ndihmën

e tyre tojmë edhe një bazë të fuqishme normative se si t`i rezistojmë këtij shkatërrimi dhe si ta

krijojmë një shoqëri më të vetëdijësuar dhe më të qëndrueshme.

Keyword s: Green Policy, International Relations, ecocentrism,environmentalism, common spaces.

Hyrje

Çështjet e ndëlidhura me mjedisin asnjeherë nuk kane qenë në qendër të disiplinës

së Marrëdhënieve Ndërkombëtare. Disiplina e Marrëdhënieve Ndërkombëtare

tradicionalisht ka qenë e preokupuar me të ashtuquajturën “politikën e lartë” dhe është

përqendruar kryesisht në sigurinë apo në konikte ndërshtetërore. Mirëpo, rritja e shpejtë

ekonomike, përhapja e teknologjive të reja si dhe rritja e numrit të popullsisë në botë, pas

viteve të gjashtëdhjeta, sjellin edhe rritjen e konsumit të energjisë dhe të burimeve, të cilat

njëkohësisht ishin edhe burime ndotjeje e prodhimi mbeturinash, që sollën edhe erozionin

e shpejtë të biodiversitetit te Tokës. Me paraqitjen dhe me përshkallëzimin e problemeve

të tilla mjedisore dhe sidomos të problemeve të para ndërkutare, është paraqitur edhe

nevoja për bashkepunim mjedisor ndërkombëtar, gjë qe ka sjell lindjen e një nënfushe

të Marrëdhënieve Ndërkombëtare, të politikës së gjelbër, të përqëndruar kryesisht në

menaxhimin e burimeve të përbashkëta, që të jetë në gjendje të ofrojë interpretime