Qasjet Kryesore për Mësimdhënien e Shkrimeve për Qëllime Profesionale

• Author: Greta Përgjegji
• Position: Pedagoge e Gjuhës Angleze, Qendra e Gjuhëve të Huaja, Akademia e Forcave të Armatosura
• Pages: 396-402

ISSN 2410-759X

Acces online at www.iipccl.org

Balkan Journal of Interdisciplinary Research

IIPCCL Publishing, Tirana-Albania Vol. 1 No. 3

January 2016

396

Qasjet Kryesore për Mësimdhënien e Shkrimeve për Qëllime

Profesionale

MSc. Greta Përgjegji

Pedagoge e Gjuhës Angleze, Qendra e Gjuhëve të Huaja, Akademia e Forcave të

Armatosura

Abstrakt

Artikulli me titull “Qasjet Kryesore për Mësimdhënien e Shkrimeve për Qëllime

Profesionale” fokusohet në Shkrimet për Qëllime Profesionale dhe teoritë e mësimdhënies

së tyre. Si fillim Shkrimet për Qëllime Profesionale kanë një gjuhë specifike të specializuar

e cila përdoret nga anëtarë të një komuniteti të caktuar shkencor dhe profesional gjuhë e

cila karakterizohet nga përdorimi i shumë termave teknike dhe një strukturë leksikore

dhe sintaksore të veçantë. Fakti që ato i përkasin një fushe gjuhësore specifike,

mësimdhënia e tyre kthehet në një sfidë për mësuesin si në një gjuhë të dytë por edhe në

gjuhën mëmë. Studiues të ndryshëm kanë hedhur hipoteza të ndryshme për sa i përket

qasjeve të ndryshme për mësimdhënien e tyre. Qasja e parë është ajo e mësimdhënies së

Shkrimeve për Qëllime Profesionale si produkt ku nëpërmjet kopjimit të një teksti të

dhënë disa herë arrihet në një produkt kopje me origjinalin. Qasja e dytë ajo e të shkruarit

si proces nuk synon një kopjim të një teksti të caktuar por një shkrim të një pjese që nga

fillimi duke ndjekur fazat përbërëse të këtij procesi. Qasja e tretë e mësimdhënies është

ajo e të shkruarit të Shkrimeve për Qëllime Profesionale si një zhanër gjuhësor në të cilin

shkrimi ndodh në një mjedis ku anëtarët kanë dhe ndajnë një qëllim specifik komunikues.

Qasja e fundit ajo e të shkruarit si një produkt i një procesi vendimmarrës është një

ndërthurje mes qasjeve të tjera dhe synon një shkrim të saktë dhe të qartë ku shkruesi

merr në konsideratë ekspertizën dhe njohurinë e anëtarëve në një mjedis të caktuar

profesional ku shkruesi është pjesë e këtij mjedisi.

Fjalë kyce: Shkrime për Qëllime Profesionale, qasje, mësimdhënie, produkt, proces, zhanër.

Hyrje

Fjalët që hasen në gjuhën e përditshme janë poli-semantike, me fjalë tjera ato mund

të kenë më shumë se një kuptim dhe kjo është arsyeja pse ato janë të dobishme pasi

mund të përdoren në shumë situata. Megjithatë, në disa situata, si në komunikimin

profesional, gjuha e përditshme mund të jetë shumë e paqartë dhe jo-

mjaftueshmërisht specifike. Gjuha specifike apo ajo e specializuar është krijuar

ndërmjet anëtarëve të një komuniteti të veçantë shkencor dhe profesional, dhe nga

këndvështrimi leksikor karakterizohet nga përdorimi i shumë termave teknikë. Sipas

Gotti (1991), që “një gjuhë të cilësohet si specifike ajo duhet të plotësojë kushtet e

mëposhtme: vënia e theksit tek përdoruesi ( në fushën didaktike), tek realiteti referues

(fusha e funksionit pragmatik) si dhe theksi mbi përdorimin e gjuhës së specializuar

(fusha profesionale gjuhësore) këto tre kushte përbëjnë aspektet kryesore të një

gjuhe së specializuar”. Pikërisht duke u nisur nga ky përkufizim mund të themi se

dhe terminologji të ndryshme si ajo ushtarake, mjekësore, ligjore mund të cilësohen

si specifike dhe si një gjuhë profesionale e lidhur ngushtë me mjedisin ku ato përdoren