Reformimi i legjislacionit të punës një domosdoshmëri për garantimin e të drejtave të punëmarrësit në marrëdhënien juridike të punësimit

• Author: Yllka Rupa
• Position: Universiteti 'Luigj Gurakuqi' Shkoder, Fakulteti i Drejtësisë
• Pages: 371-377

ISSN 2410-759X Balkan Journal of Interdisciplinary Research Special Issue No 1

Acces online at www.iipccl.org IIPCCL Publishing, Tirana-Albania June 2015

371

Reformimi i legjislacionit të punës një domosdoshmëri për garantimin

e të drejtave të punëmarrësit në marrëdhënien juridike të punësimit

Dr. Yllka RUPA

Universiteti “Luigj Gurakuqi” Shkoder

Fakulteti i Drejtësisë

Abstrakt

Reformimi i dispozitave të Kodit të Punës synon të garantojë statusin e punëmarrësit në procesin

e punës në disa aspekte që kanë të bëjnë me garantimin e shëndetit dhe rritjen e të ardhurave.

Nevoja e reformimit të dispozitave të Kodit të Punës u pa si ndikim i disa faktorëve që kanë të

bëjnë me mbrojtjen e të drejtave themelore të subjektit punëmarrës në mar rëdhënien e punësimit,

të garantuara këto me akte nderkombëtare, si dhe me zbatimin e projekteve të rëndësishme të

organizatave nderkombëtare që synojnë të përsosin marrëdhëniet e punës dhe raportet mes

subjekteve të saj. Ky shkrim trajton problemet e zbatueshmërisë së dispozitave të kodit të punës

në shumë aspekte, faktorët që diktuan nevojën e ndryshimeve të reja, si dhe bën një analizë të

atyre cështjeve që do të preken nga ndërhyrjet në ligj. Reformimi i mëtejshëm cilësor është bërë

në përputhje me dokumentet dhe aktet juridike ndërkombëtare si: Karta e OKB, konventat dhe

rekomandimet e Organizatës Ndërkombëtare të Punës, Karta Sociale Europiane etj.

Nevoja e rishikimit të Kodit të Punës

Marrëdhëniet e punës në sektor të ndryshëm të ekonomisë, tregtisë dhe më gjere kane

qënë objekt i rregullimeve ligjore në aspekte të vecanta të mbrojtjes dhe garantimit të

statusit të punëmarrësve. Nismat ligjore për ndërhyrjen në paketën normative që mbron

raportet e punësimit janë diktuar nga shumë faktorë ndër të cilët më të rendesishëm janë

ato social, ekonomik, politik etj.

* Marrëdhëniet e punës në vetvete janë vazhdimisht të lidhura me politikat sociale të

shtetit dhe në këtë kontekst cdo dispozitë juridike që në thelb pike se pari ka karakter

social, reformohet per të marrë në mbrojtje ato situata të cilat janë të rregulluara prej saj

dhe që i shërbejnë më mirë subjektit të mbrojtur. Kur themi se raportet juridike të punës

kanë karakter social duhet ti shikojmë ato të lidhura ngushtë me marrëdhënie të tjera të

karakterit social të cilat në disa raste burojnë direkt nga procesi i punës dhe në të tjera

raste janë të varura prej këtij procesi. Nga ky aspekt edhe dispozitat juridike të degëve të

tjera kanë rëndësi në përcaktimin dhe vlërësimin e akteve normative të punës, sic janë ato

të sigurimeve shoqërore, të nxitjes së punësimit, të rregullimit të periudhave të papunësisë

etj.

* Nga pikpamja ekonomike, duhet thënë se zhvillimi i marrëdhënieve ekonomike, nuk

mund të shikohet i shkëputur edhe nga marrëdhëniet e punës, e për këtë dispozitat

normative duhen përshtatur me situatat në zhvillim, në mënyrë që të jenë të aa për një

rregullim bashkohor të situatave praktike në të cilat gjenden subjektet e punës. Tendencat

që promovohen sot nga organizma të rëndësishëm ndërkombëtarë të krijimit të akteve