Rëndësia e etikës profesionale në punën e mësuesit dhe pedagogut

• Author: Risvan Tërshalla
• Position: Universiteti 'Aleksandër Moisiu', Durrës, Albania
• Pages: 293-299

293

ISSN 2410-759X

Acces online at www.iipccl.org

Balkan Journal of Interdisciplinary Research

IIPCCL Publishing, Tirana-Albania Vol. 1 No. 2

September 2015

Rëndësia e etikës profesionale në punën e mësuesit dhe pedagogut

Risvan Tërshalla

Universiteti “Aleksandër Moisiu”, Durrës, Albania

Abstrakt

Në këtë punim, do të analizohet rëndësia që ka etika profesionale në punën e mësuesit

dhe pedagogut, se si e kushtëzon dhe orienton ajo profesionistin (mësuesin/lektorin), në

veprimtarinë e tij, në raport me studentët dhe me përgjegjësinëkomunitare.

Etika përfshin artikulimin e sjelljeve të mira dhe zakoneve që profesionistët e arsimit

kërkojnë të edukojnë te çdokush, detyrat që ata duhet të ndjekin dhe rrjedhojat e

mëvonshme të sjelljeve të tyre.

Etika për një mësues shihet si një promotor i mirë i performancës, sipas shumë

konsideratave etika e një shkolle është shumë e rëndësishme në performancën e saj, kjo

sepse identiteti etik i një shkolle është i rëndësishme si për nxënësit ashtu edhe për palët

e interesuara për atë komunitet. Po si është e lidhur etika e mësuesit me performancën e

shkollës? Po modeli i sjelljes në vendin e punës? Elementet e etikës pedagogjike u shfaqën

së bashku me lindjen e veprimtarisë pedagogjike si një funksion i veçantë shoqëror. Çfarë

zhvillimi mori kultura dhe etika pedagogjike e mësuesit? Pse duhet të flasim për etikën

pedagogjike? Etika personale e çdo individi përcaktohet nga shumë faktorë. Cilat janë

ato? Ku qëndron ana etike e sekretit të komunikimit emocional të mësuesit në klasë?

Profesioni i mësuesit e shikon komunikimin në një hapësirë më të gjerë, ku gjen vend për

t’u orientuar më mirë, sepse si mësues kemi të bëjmë me qenie humane të ndryshme, që

kanë nevojë për përkatësi dhe dashuri, për siguri dhe mbrojtje, për vlerësim e

vetëvlerësim. Cilat janë tiparet e profilit etik për një mësues? Po parimet etike? Etika dhe

komunikimi janë garanci për suksesin e mësuesit.

Fjalë kyçe: etika, etika pedagogjike, mësues, profesionalizmi, komunikimi, morali

shoqëror.

Hyrje

Si profesionistë, mësuesit janë të angazhuar vazhdimisht me parimet etike duke

marrë parasysh vlerën e veçantë të arsimit. Një rol të rëndësishëm në përmbushjen

me sukses të këtij profesioni luan marrëdhënia me të gjithë të tjerët që janë pjesë e

këtij procesi, siç janë: studentët, kolegët, drejtuesit, prindërit, grupet e interesit etj.

Kodi etik i mësuesit ka si qëllim, t’i inkurajojë mësuesit që të kenë një qasje sa më të

përshtatshme ndaj profesionit, në mënyrë që ta rrisin rëndësinë dhe prestigjin e tij

në komunitet.

Ai, gjithashtu, duhet të ndihmojë organet vendimmarrëse në hartimin e politikave

dhe veprimtarive që krijojnë mjedise motivuese për të nxënit.

1. Kuadri etik i profesionit te mësuesit

Parimet bazë mbi të cilat bazohet hartimi i kodit etik të mësuesit janë:

1. Parimi i përkushtimit ndaj nxënësit/studentit mbi bazën e të cilit përcaktohen