Resurset minerale të pjesës jugore të maleve të Sharrit në territorin e Kosovës

• Author: Gazmend Bërbatovci
• Position: Universiteti i Prishtinës
• Pages: 492-499

ISSN 2410-759X

Acces online at www.iipccl.org

Balkan Journal of Interdisciplinary Research

IIPCCL Publishing, Tirana-Albania Vol. 1 No. 3

January 2016

492

Resurset minerale të pjesës jugore të maleve të Sharrit në territorin e

Kosovës

Mr. Gazmend Bërbatovci

Universiteti i Prishtinës

Abstrakt

Ky punim kërkimor-shkencor u realizua me qëllim studimin, analizimin dhe vlerësimin

e resurseve minerale të pjesës jugore të maleve të Sharrit në territorin e Kosovës si dhe

trajtimi i rëndësisë së tyre strategjike, ekonomike, ambientale, turistike si dhe mundësive

të shfrytëzimit dhe menaxhimit të qëndrueshëm të tyre.

Duke u mbështetur në literaturën ekzistuese, shfrytëzimin e të dhënave statistikore të

dikurshme dhe sot, hulumtimet në terren, është bërë një analizë e mirëfilltë e kësaj

problematike duke u përqendruar në gjendjen aktuale dhe perspektivën e tyre në të

ardhmen. Qëllimi i këtij hulumtimi, krahas trajtimit teorik është edhe vlerësimi i resurseve

minerale të pjesës jugore të maleve të Sharrit në territorin e Kosovës në aspektin e

shfrytëzimit të qëndrueshëm dhe menaxhimit të mirëfilltë.

Fjale kyçe: Resurs mineral, ambient, turistik, menaxhim i qëndrueshëm.

Hyrje

Perspektiva dhe zhvillimi i gjithë mbarshëm në botë varet në masë të madhe nga

llojet, sasia dhe larmia e resurseve natyrore. Pjesa jugore e maleve të Sharrit në

Kosovë është mjaft e pasur me resurse natyrore dhe përfshinë një sipërfaqe prej

433,7 km2, apo rreth 4% të sipërfaqes së Kosovës dhe 10% të sipërfaqes së fushëgropës

së Dukagjinit. Kufizohet me Maqedoninë në jug dhe juglindje, pjesët perëndimore

dhe jugperëndimore shtrihen në kufi me Shqipërinë. Në veri zbret me pjerrtësi të

madhe në gropenë e Opojës, të Sreckës, dhe të Siriniqit), pastaj nëpërmjet maleve:

Koritnik (2.395 m), Oshlak (2.212 m), Jezerc (2.090 m ), dhe të maleve të Nerodimes

(1.721 m), zbret dhe përfundon në fushëgropën e Dukagjinit dhe të Kosovës.

Karakteristikat fiziko-gjeografike

Sharri, si tërësi unike gjeografike, paraqet një kompleks të ndërlikuar gjeotektonik,

morfologjik, pedologjik, hidrografik, klimatologjik, biogjeografik etj. Të gjitha këto

veçori janë mjaft të rëndësishme në aspektin e kërkimit shkencor.

Pjesa jugore e maleve të Sharrit në terRitorrin e Kosovës shtrihet në pjesën jugore

dhe jugperëndimore të Kosovës. Ky territor shtrihet në gjërësinë gjeografike veriore

prej 41Ú 52‘ 30" - 42Ú 09‘ 03" dhe në gjatësinë gjeografike lindore prej 20Ú 35‘ 39" -

20Ú 48‘ 26", Pjesa jugore e maleve të Sharrit në territorin e Kosovës, duke iu referuar

karakteristikave natyrore që i posedon, paraqet një tërësi të diferencuar gjeografike

të Kosovës.