Segurtasun eta Defentsarako Batasuna: etorkizuna hemen dago

• Author: José María González Zorrilla
• Pages: 13-14

— 13 —

Aurkezpena

Segurtasun eta Defentsarako Batasuna:

etorkizuna hemen dago

J M G Z

EuroBasqueko Presidentea

Liburu honek EuroBasqueko Francisco Javier Landaburu Unibertsitateen Europari

buruzko XIX. Ikerketa Sariaren ekarpenak biltzen ditu, “Segurtasunaren eta defentsaren

politika komuna Europar Batasunean” gaiari buruzkoak: María Eugenia López-

Jacoiste, Lucas J. Ruiz Díaz eta Javier Fernández Rojo. Are gehiago, Mikel Anton Eusko

Jaurlaritzako Europako Gaietarako zuzendariak, Patxi Aldecoa Luzarraga, Beatriz Pérez

de las Heras, Mariola Urrea Corres eta Jose Luis de Castro ikertzaileek eta Igor Filibi

EuroBasqueko idazkari nagusiak egindako ekarpenak biltzen ditu liburuak.

Aztergai dugun gaiari helduz, Europar Batasuneko segurtasun- eta defentsa-politikak

aldaketa garrantzitsuak izan ditu azken aldi hauetan, bai operatiboak bai estrategikoak,

segurtasunaren arloko erronkei aurre egiteko eta Batasunak erantzun handiagoa emateko

herritarren eskakizunari erantzuteko.

EBko ekialdeko eta hegoaldeko bizilagunen krisiak, hala nola Krimeako okupazioa

eta Ekialde Ertaineko gatazkak direla eta, 2016an onartutako EBko Kanpo Politika eta

Segurtasunerako Estrategia Globala abiarazi da. Honako ekimen hauek ezartzen hasi

dira: 2017an, lankidetza egituratu iraunkorra; Europako Defentsaren Ekintza Plana,

gaitasun militarren ikerketa eta garapena finantzatzeko defentsa-funts berri bat barne;

EB osoan eta barruan mugikortasun militarra errazteko plan bat; eta misio eta eragiketa

zibil eta militarren finantzaketa berrikustea, eraginkorragoak izan daitezen.

Horrela, Europako defentsa-politika baterantz aurrera egitea EBren kanpo-

politikarako ikuspegi zabalago baten alderdi kritiko bihurtu da, nahiz eta EBko estatu

kideen arteko segurtasun- eta defentsa-lankidetza beti izan den gai konplexuenetako

bat agenda komunean. Europako integrazio-prozesu osoan, Segurtasunak eta, batez ere,

Defentsak ez zuen inoiz hain leku garrantzitsua izan Batasuneko Agendan.

Europaren Etorkizunari buruzko Liburu Zuria, beste dokumentu sektorial

batzuen artean, Europako Defentsaren etorkizunari buruzko dokumentu batekin

osatu zen. Federica Mogherini Kanpo Politika eta Segurtasunerako ordezkari gorenak