Segurtasunaren eta defentsaren batasuna eraikitzen: Europako zerumuga federalerako urrats berri bat. Autonomia estrategikoa, Europako integrazioaren giltzarri gisa

• Author: Mikel Antón Zarragoitia
• Pages: 21-26

— 21 —

Segurtasunaren eta defentsaren batasuna eraikitzen:

Europako zerumuga federalerako urrats berri bat.

Autonomia estrategikoa,

Europako integrazioaren giltzarri gisa

M A Z

Europako Gaietarako zuzendaria- Eusko Jaurlaritza

EuroBasque-Europako Mugimenduaren Euskal Kontseiluko idazkari nagusi ohia

Eskerrak eman nahi dizkiot EUROBASQUE Europako Mugimenduaren Euskal

Kontseiluari, Europako integrazioaren, segurtasunaren eta kontinentearen defentsaren

arlo politikoan funtsezkoa den gai bati buruz ekarpenak egitera gonbidatzeagatik. Gai

horrek garrantzi berezia du hemendik aurrera irekiko den agertoki berrian, mundu

globaleko gizarteen esparru sozial, ekonomiko eta politikoan eragingo baitu.

Hain zuzen ere, COVID-19ren epidemiak planteatzen duen erronka globalari

aurre egiten jarraitzen dugunean, eta hurrengo hilabeteetan zerumuga argitzen hasteko

zain gaudenean, COVID ondorengo ordena berria nolakoa izango den imajinatzen

saiatzen gara. Hala, funtsezko ekoizpen-sektoreak birkokatzea espero da, etorkizuneko

pandemiei erantzuteko. Gainera, “Batasunaren autonomia estrategikoa” bezalako

kontzeptuak sortu dira, erronka eta mehatxu berrien aurrean EBren interesak babestea

eskatuko dutenak. Zalantzarik gabe, horrek guztiak isla izango du kanpo-harremanetan

eta herrialdeen segurtasunarekin eta defentsarekin lotutako gaietan.

Horrez gain, Covid-19ren krisialditik indartuta aterako den Batasuna behar da,

datozen erronka geopolitikoei aurre egiteko eta nazioarteko lankidetza bultzatzeko,

Nazio Batuek adostutako Garapen Iraunkorreko Helburuak lortzeko.

Edonola ere, aurreikus daitekeen egoera berri horren aurretik, azken urteotan hainbat

gertakari izan dira, Europako eta Europar Batasuneko estatuek haien segurtasuna nola

ulertu eta diseinatu zuten zalantzan jarri dutenak.

Gaur egun, zaila da hitz egitea Atzerri Politika eta Segurtasun Erkideko Goi-

ordezkariak 2003an aipatzen zuen “Europa segurua mundu hobe bateaz”, EBk egungo

nazioarteko testuinguruan duen erantzukizuna bere gain hartu gabe.

Gerra ostean sortutako Europako segurtasunaren eta defentsaren historian bi etapa

bereiz daitezke. Lehenengoa Bigarren Mundu Gerraren ondoren hasi eta Berlingo