Shfrytëzimi i dukurive psikologjike në favor të një procesi mësimor cilësor. Zhvillimi i të menduarit kritik

• Author: Daniela Gordi (Dilo)
• Position: Doktorante pranë Universitetit të Tiranës, Pedagoge e jashtme e gjuhës angleze në Fakultetin Ekonomik
• Pages: 137-143

137

ISSN 2410-759X

Acces online at www.iipccl.org

Balkan Journal of Interdisciplinary Research

IIPCCL Publishing, Tirana-Albania Vol. 1 No. 3

January 2016

Shfrytëzimi i dukurive psikologjike në favor të një procesi mësimor

cilësor

Zhvillimi i të menduarit kritik

Daniela Gordi (Dilo)

Doktorante pranë Universitetit të Tiranës

Pedagoge e jashtme e gjuhës angleze në Fakultetin Ekonomik

Abstrakt

Në kohën e një globalizimi të ekonomisë dhe kulturës botërore bëhet gjithnjë e më i

nevojshëm edukimi i të rinjve me aftësi të larta të të menduarit dhe krijuese për të

përballuar kërkesat e kësaj shoqërie komplekse. Të rinjtë duhet të aftësohen që të

mendojnë, të analizojnë dhe nxjerrin konkluzione e të gjejnë zgjidhje për probleme,

situata e marrëdhënie me të cilat nuk janë ndeshur më parë. Aftësitë e sipërmendura

përvetësohen e zhvillohen që në shkollë dhe është një nga çështjet parësore për të cilën

interesohet shoqëria shqiptare e më gjerë.

Në këtë kontekst, formimi dhe roli i mësuesit merr gjithë rëndësinë e tij për të përdorur

teknika e strategji që kanë për qëllim krijimin e një atmosferë motivuese në mjedisin

shkollor, nxitëse të aftësive krijuese të të rinjve.

Duke e konsideruar nxënësin jo më si subjekt, por si një aktor social që përmbush detyra

në një kontekst të caktuar shoqëror, mësuesi duhet të kujdeset edhe për detajet më të

vogla që ndikojnë në cilësinë e procesit mësimor, si për mjedisin fizik të përshtatshëm që

ndikon psikologjikisht tek nxënësit ashtu edhe ashtu edhe për plotësimin e kushteve

materiale të zhvillimit të mësimit. Të njohë profilin dhe personalitetin e secilit nxënës si

edhe të menaxhojë larminë e marrëdhënieve komplekse që krijohen gjatë veprimtarive

kolektive që synojnë zhvillimin e mendimit kritik me qëllim edukimin e të rinjve me

vlerave të tilla si toleranca dhe respekti reciprok.

Fjalë kyçe: mësimdhënie/nxënie, mendim kritik, aftësi komunikimi, teknika e strategji,

përvetësim.

Hyrje

Jeta e sotme kërkon njerëz krijues, të aftë për të gjetur zgjidhje më të mira për

problemet e jetës me qëllim që të jetojnë së bashku në një botë komplekse e cila

ndryshon me shpejtësi. Pikërisht që nxënësit tanë të mund të bëhen qytetarë të aftë

për të përballuar sfidat e kohës, për të vepruar në mënyrë krijuese ata duhet të

mësohen që në shkollë dhe në familje me pafundësitë e aftësisë për të krijuar. Nxënësit

kanë nevojë të aftësohen për të krijuar hipoteza rreth jetës së tyre si dhe të zbulojnë

dhe studiojnë emocionet e tyre dhe marrëdhëniet njerëzore. Në këtë kontekst,

kërkohet më shumë punë për të ndihmuar të gjithë mësuesit që të kuptojnë dhe t’ju

mësojnë nxënësve aftësitë e të menduarit kritik nëpërmjet mësimit të gjuhës së huaj.

Mësuesit duhet të krijojnë ambjent ku të menduarit kritik mund të mësohet,

praktikohet dhe zhvillohet. Zhvillimi i të menduarit kritik nëpërmjet gjuhës së huaj

mund të përdoret gjerësisht në të gjitha nivelet. Gjithmonë kam pyetur veten nëse

ka mënyra për të zhvilluar të menduarin kritik nëpërmjet gjuhës së huaj. Të