Sigurimi i Cilësisë në Arsimin Profesional në Shqipëri

• Author: Elda Gega
• Position: Agjencia Kombëtare e Arsimit, Formimit Profesional dhe Kualifikimeve në Tiranë
• Pages: 156-163

ISSN 2410-759X

Acces online at www.iipccl.org

Balkan Journal of Interdisciplinary Research

IIPCCL Publishing, Tirana-Albania Vol. 1 No. 2

September 2015

156

Sigurimi i Cilësisë në Arsimin Profesional në Shqipëri

Msc. Elda Gega

Agjencia Kombëtare e Arsimit, Formimit Profesional

dhe Kualifikimeve në Tiranë

Abstract

Në arsimin e mesëm profesional, në shkollat që mbështeten nga projekte të huaja

europiane, është arritur në fazën e natyrshme të mëtimeve për fillimin e mundshëm të

zbatimit të procedurave të sigurimit të cilësisë, dhe pa dyshim, prania aktive e

institucioneve ndërkombëtare, e donatorëve të ndryshëm, asistimi prej tyre i tërësisë së

zhvillimeve në arsimin publik në drejtim të ristrukturimit, të modularizimit të

mësimdhënies, të aplikimit të kurrikulave të reja, të formimit dhe riformimit të burimeve

njerëzore etj, janë tregues të qartë të faktit që procesi i sigurimit të cilësisë, pavarësisht

nga mungesa e institucionalizimit të standardeve të vlerësimit të shkollave në segmente

të veçantë të arsimit tonë profesional, mund të konsiderohet i filluar. Në këtë studim, ne

shtrojmë problemin e identifikimit dhe implementimit të hapave konkretë, që bëjnë të

mundur sigurimin e cilësisë në Arsimin Profesional në Shqipëri, në kontekstin e

integrimeve Euroatlantike. Qëllimi i studimit është të identifikojë sfidat kryesore në

lidhje me cilësinë dhe sigurimin e cilësisë, të përditësojë zhvillimet e fundit në BE për

sigurimin e cilësisë, të tregojmë disa nga përvojat dhe karakteristikat e sitemit shqiptar

të sigurimit të cilësisë, dhe, mbi bazën e tyre, të paraqesë disa rekomandime për zhvillimin

e sistemit të sigurimit të cilësisë në arsimin profesional në Shqipëri. Objekt i këtij punimi

janë disa nga çështjet më të rëndësishme, që lidhen me manaxhimin e cilësisë në arsimin

profesional dhe me bazat e mekanizmave e të procedurave për sigurimin e cilësisë në

nivel kombëtar (përmirësimi i vazhdueshëm i kurrikulave, zhvillimi profesional i

vazhdueshëm i stafit mësimor, zhvillimi i sistemit të vlerësimit, përmirësimi i

standardeve kombëtare ekzistuese, hyrja në shkolla, zhvillimi i sistemit të sigurimit të

cilësisë në institucionet arsimore etj). Nuk bëhet fjalë për një vlerësim përmbledhës të

arsimit profesional, por për analizën e treguesve cilësorë. Këta tregues, ne do të përpiqemi

t’i paraqesim të plotë e në disa variante, për të shënuar kapërcimin e nevojshëm nga

modeli tradicional i vlerësimit të arsimit profesional drejt alternativave të reja të

vlerësimit shkencor.

Fjalë kyçe: sigurim cilësie, qasje e sigurimit te cilësisë, arsim dhe formim profesional,

sistem i sigurimit të cilësisë, manaxhim i cilësisë.

Hyrje

Studimi ka për qëllim, të japë një kontribut kritik dhe pika reflektimi për të

përqëndruar linja kërkimi dhe instrumente të ndërhyrjes lidhur me tematikën e

sigurimit të cilësisë dhe përmirësimit të vazhdushëm të sistemeve arsimorë.

Procesi i përmirësimit të vazhdueshëm të sistemit arsimor profesional përbën një

nga objektivat strategjikë në nivel kombëtar; gjithashtu merr një vlerë strategjike

dhe organizative në lidhje me Rekomandimet e Parlamentit Europian për vendosjen

e një Kornize Referuese Evropiane për sigurimin e cilësisë në arsimin profesional.

Analiza ndërkombëtare ofron një gamë të ndryshme dhe shembuj interesantë të