Specializimi i pedagogëve shqiptarë nga Kosova në Shqipëri gjatë viteve 1971-1975

• Author: Kosovar Basha
• Position: Instituti i Historisë 'Ali Hadri' ? Prishtinë
• Pages: 147-153

147

ISSN 2410-759X

Acces online at www.iipccl.org

Balkan Journal of Interdisciplinary Research

IIPCCL Publishing, Tirana-Albania Vol. 2 No. 1

May, 2016

Specializimi i pedagogëve shqiptarë nga Kosova në Shqipëri gjatë viteve

1971-1975

Ma. Kosovar Basha

Instituti i Historisë “Ali Hadri” – Prishtinë

Hyrje

Marrëdhëniet shqiptaro-jugosllave filluan të normalizohen nga viti 1970, pas fjalimit të

Enver Hoxhës në Tropojë ku theksoi nevojën e afrimit të Shqipërisë me Jugosllavinë duke

i dhënë përparësi fqinjësisë së mirë. Të njëjtin vit, Tito në Ulqin dha një deklaratë ku

potenconte qartë pikat e afrimit ndërmjet dy vendeve.1 Në vitin 1971, dy vendet

shkëmbyen përfaqësit diplomatike në Tiranë dhe Beograd në ambasada dhë një vit më

vonë shkëmbyen ambasadorët.2 Kosova si pjesë e federatës jugosllave përfitoj më së

shumti nga fillimi i marrëdhënieve shqiptaro-jugosllave. Në këtë kohë, në sferën e arsimit

në Kosovë ndikoj dukshëm themelimi i Universitetit të Prishtinës si vatër e rëndësishme

e arsimit për shqiptarët e Kosovës. Bashkëpunimi arsimor ndërmjet Kosovës dhe

Shqipërisë i ka fillet e para në vitet 1970-1971 ku ndërmjet Universitetit të Prishtinës dhe

Universitetit të Tiranës u zhvillua një bashkëpunim i frytshëm. Këtëj ky studim trajton

specializimin e pedagogëve të Universitetit të Prishtinës në Shqipëri gjatë viteve 70 ta

shek.XX. Punimi mbështetet tërësisht në burime arkivore relevante të vjelura në Arkivin

e Kosovës, Arkivin e Ministrisë të Punëve të Jashtme të Shqipërisë, Arkivin Qendror

Shqiptar.

I. Fillet e bashkëpunimit arsimor ndërmjet Universitetit të Prishtinës

dhe Universitetit të Tiranës

Në korrik 1970 me ftesë të Universitetit të Prishtinës shkoj në Prishtinë delegacioni

i Universitetit të Tiranës, i kryesuar nga zv.rektori Osman Kraja dhe i përbërë nga

pedagogët Stefanaq Pollo, Bujar Hoxha dhe Arben Puto. Po kështu, në tetor të vitit

1970 me ftesë të Universitetit të Tiranës një delegacion nga Universiteti i Prishtinës

shkoj në përbërje me rektorin prof.dr. Dervish Rozhaja, zv. Rektori Boshidar

Jovanoviq, prof.dr. Idriz Ajeti, prof. Hysen Muhaxhiri, Mahmut Bakalli, Hajredin

Hoxha dhe sekretari i përgjithshëm i Universitetit Zeqë Shehu. Gjatë këtyre bisedave

u zhvilluan diskutime nga të dyja palët për një bashkëpunim më të ngushtë të dy

institucioneve arsimore, si dhe mundësit që Universiteti i Tiranës si institucion i

themeluar në vitin 1957, mund ti ndihmonte Universitetit të Prishtinës i cili ishte

kishte jetë vetëm pak muaj. Pala shqiptare bëri propozimin që dhënien e disa bursave

për të rinj dhe të reja të Kosovës. Rektori i Universitetit të Prishtinës dhe pedagogët

tjerë ishin tepër entuziast për këtë ofertë.

Delegacioni nga Kosova propozoj që të nënshkruhet një Protokoll ndërmjet dy

Universiteteve për probleme të ndryshme duke lënë anash bursat. Si rezultat i këtyre

bisedimeve më 27 tetor 1970 u nënshkrua në Tiranë protokolli në fjalë.3

1 Rilindja, 06 shkurt, 1971, f.8.

2 Agjencia Shtetërore e Arkivave të Kosovës ( më tej ASHAK ), Fondi, Sekretariati Krahinor për

Marrëdhënie me Botën e Jashtme, Njësia Organizative-Raporte, viti 1979-1988, nr. i lëndës-36, nr. i kutisë

3, f .5.

3 Arkivi i Ministrisë së Punëve të Jashtme të Shqipërisë ( më tej AMPJ ), viti 1971, dosja.661, f. 75.