Vlerësimi dhe matja e performancës të Partneritetit Publik - Privat

• Author: Ylldeze Sokoli
• Pages: 435-444

435

ISSN 2410-759X

Acces online at www.iipccl.org

Balkan Journal of Interdisciplinary Research

IIPCCL Publishing, Tirana-Albania Vol. 1 No. 3

January 2016

Vlerësimi dhe matja e performancës të Partneritetit Publik – Privat

Dr. Ylldeze Sokoli

Fakulteti Ekonomik, Departamenti i Finances;

Universiteti “Ismail Qemali” Vlorë

Abstrakt

Partneriteti publik-privat është një koncept i njohur për biznesin, për qeverisjen qëndrore

dhe vendore, sidomos në fushën e zhvillimit ekonomik. Partneriteti publik-privat nuk

duhet parë si përgjigje e problemeve me të cilat përballet qeverisja qëndrore dhe vendore

lidhur me rritjen dhe zhvillimin ekonomik; por gjithësesi mund të themi se ato janë një

përafrim i rëndësishëm në hartimin dhe zbatimin e strategjive të zhvillimit ekonomik.

Partneriteti Publik-Privat mund të shërbejë si një instrument efektiv për të sjellë

investimet e sektorit privat dhe për të përdorur efiçencën e sektorit publik për të arritur

rezultate më të mira. Të dy sektorët shpesh përfitojnë së bashku, si sektori publik, ashtu

edhe ai privat- arsyeja është se të dy sektorët ndajnë cilësi specifike dhe nëse këto cilësi

kombinohen, ato çojnë në rezultate më të mira.

Mund ta konsiderojme një Partneritet Publik-Privat të suksesshme në qoftë se: rrit

mundësinë që përpjekjet për një zhvillim ekonomik të jenë të suksesshme dhe rrit

përfitimet neto të një apo me shumë partnerëve pa dëmtuar tjetrin. Disa prej literaturave

ekonomike sugjerojnë se partnerët e sektorit publik mund të mbajne risk më të madh

dhe kosto relative më të mëdha në shpërndarjen e përfitimeve të partnershipit. Eshtë e

vështirë të identifikohen kostot dhe përfitimet, kjo është hapësire e gjerë e një debati dhe

analize të vazhdueshme.

Në këtë punim do të eksploroj karakteristikat që mendoj se janë elementët kyç lidhur me:

lidhjen e Partneritetit publik - privat me zhvillimin ekonomik, vleresimin e rolit të

Pasurive të Paluajtshme për qeverisjen lokale dhe faktorët që ndikojnë dhe duhen marrë

parasysh në vlerësimin e performancës së partneritetit publik-privat. Metodologjia e

përdorur në punim është e lidhur së pari: me studimin e literaturës së huaj mbi trajtimin

teorik e praktik lidhur me PPP-te, së dyti vërtetimin e hipotezës së ngritur në punim

lidhur me: suksesin e PPP-ve, dhe pse përdoren ato në përpjekjet për zhvillimin ekonomik

lokal dhe qëndror? Rezultatet e punimit mendoj se mund të ndihmojnë qeverisjen qëndore

dhe lokale për të fokusuar më shumë vëmëndjen për përgatitjen dhe përmiresimin e

politikës së tyre lidhur me PPP-të.

Fjale kyçe: Partneritet Publik Privat; risku i partneritetit; performancë e PPP-ve; zhvillim

ekonomik.

Hyrje

Partneritetet publike-private janë një nga konceptet standarte në biznes dhe në

qeverisjen lokale dhe qëndrore. Shumica e studjuesve bie dakort që PPP-të janë një

përafrim i mirë për dizenjimin dhe implementimin e strategjive të zhvillimit ekonomik.

Ndërkohë që PPP-të nuk janë të reja në skenën e zhvillimeve ekonomike të qeverisjes

lokale dhe qëndrore, interesi në përdorimin e tyre, si një mjet efektiv në zhvillimet

ekonomike ka ardhur duke u rritur në dy dekadat e fundit. Ashtu si fjala “ortakëri”

edhe termi i “PPP-së” ka hyrë në leksionet e zhvillimit ekonomik të sektorit publik