Zhvillimet gjeopolitike dhe zgjidhja e çështjes së Kosovës

• Author: Nexhmedin Z. Bardhi
• Pages: 36-43

ISSN 2410-759X

Acces online at www.iipccl.org

Balkan Journal of Interdisciplinary Research

IIPCCL Publishing, Tirana-Albania Vol. 1 No. 3

January 2016

36

Zhvillimet gjeopolitike dhe zgjidhja e çështjes së Kosovës

PhD (C.) Nexhmedin Z. Bardhi

Abstrakt

Lufta e Ftohtë karakterizohet midis të tjerave si luftë gjeopolitike, ndërkoh shumë

politologë theksojnë që edhe pas mbarimit të Luftës së Ftohtë gjeopolitika luajti rol të

rëndësishëm. Ballkani përfaqëson një mozaik të larmishëm identitetesh historik,

gjuhësor, fetar, traditash, kulturash, zakonesh, politike, shtetërore, etj., të cilat në momente

të caktuara kanë sjellë përplasje të dhunshme jo vetëm ndërmjet shteteve dhe popujve

që kanë banuar në këtë rajon, por edhe atyre që kanë pasur interesa politike, strategjike,

ekonomike në Ballkan. Kjo ka qenë dhe një nga faktorët kryesor që Ballkani gjatë shekujve

të XIX-XX ka regjistruar një mori konfliktesh të pa krahasueshëm për nga hapësira

gjeografike dhe popullsia që përfaqëson. Kështu, rajoni i Ballkanit ka prodhuar tre luftëra

lokale siç janë Lufta Parë Ballkanike, Lufta Dytë Ballkanike, ka provokuar Luftën Parë

Botërore, ka marrë pjesë në Luftën II Botërore dhe së fundi beri një shpërbërje të dhunshme

plot konflikte e luftëra në ish-Jugosllavi. Gjithë kjo histori e dhunshme e ka veshur

Ballkanin me një imazh negative jo vetëm rajonal por edhe global, i cili e ka karakterizuar

historikisht dhe ka ardhur duke u përkeqësuar sidomos në dy dekadat e fundit. Nisur

nga të gjithë këto përcaktime e realitete, çështja shqipëtare vijon të paraqitet një çështje

e rendësishme gjeopolitike dhe duhet theksuar se çështja shqiptare në Kosovë mori

karakterin e një çështje gjeopolitike qysh në fillim të viteve ’80, ndoshta menjëherë pas

shpërthimit të demonstratave të rinisë shqiptare në Kosovë me parullën “Kosova

Republikë” dhe “Bashkimi”. Për të rrugëtuar drejt një zgjidhje, me intervenimin e forcave

të NATO-s në vitin 1999.

Popujt e vegjël të Ballkanit asnjëherë në mënyrë të pavarur nuk mundën të ndërtojnë

interesat e veta Kombëtare pa ndihmën e fuqive europiane dhe botërore. Por duhet pasur

parasysh se një çështje gjeopolitike që duhet të trajtohet e zgjidhur seriozisht, kërkon

argumente gjeopolitike.

Fjalët kyçe: Gjeopolitikë, Luftë e Ftohtë, Fuqitë e Mëdha, NATO.

Hyrje

Në procesin e shpërbërjes së ish-Jugosllavisë, Kosova reagoi në mënyrën e vet; shpalli

pavarësinë (1990-1991), miratoi Deklaraten e Pavarësisë më 2 Korrik e cila u kontestua

dhe nuk u njoh ndërkombëtarisht, por këtë akt e njohu vetëm Shqipëria. Sado

fiktiv që ishte ky akt këto ngjarje sollën frymën e mobilizimit dhe vetbesimit tek

popullata shumicë e Kosovës. Pas zhbërjes së federatës dhe pas zgjedhjeve për organet

e Republikës së Kosovës (1992), pavarësisht kontestit që iu bë atyre, konflikti

shqiptaro-serb mori përmasa të reja. Duke thyer kufijtë “çështje e brendshme e

Serbisë” dhe duke marrë edhe karakter ndërkombëtar, shtimi i prezencës së

diplomacisë ndërkombëtare në Kosovë, hartimin e shumë rezolutave, në veçanti

diplomacia amerikane, do të ndikojë në fuqizimin e propagandës rreth statusit të

Kosovës në ish federatën Jugosllave. Gjithnjë e më shumë bëhej e qartë se, ndonëse

organikisht e ndërlidhur dhe me dimensione të tjera, çështja e Kosovës objektivisht

nuk do të mund të zgjidhej pa eliminimin e kornizës, në të cilën gjendej motivimi i