Amerikanizimi i fushatës elektorale në Shqipëri

• Author: Rrezart Lahi
• Position: Universiteti Europian i Tiranës
• Pages: 78-82

ISSN 2410-759X

Acces online at www.iipccl.org

Balkan Journal of Interdisciplinary Research

IIPCCL Publishing, Tirana-Albania Vol. 1 No. 3

January 2016

78

Amerikanizimi i fushatës elektorale në Shqipëri

Rrezart Lahi

Universiteti Europian i Tiranës

Abstrakt

Një nga temat më të diskutuara për fushatat elektorale ka të bëjë më “Amerikanizimin”

e tyre. Por a është “Amerikanizimi” thjeshte personalizim i fushatave elektorale dhe a ka

ndryshim mes kaheve politike në përdorimin e këtij fenomeni? Si mund të matet

“Amerikanizimi” tek partitë politike dhe tek fushatat e tyre. Së fundmi fokusi i reklamat

politike ka qënë tek imazhi i kandidatëve dhe jo tek çështjet që ata përfaqësojnë. Ky

studim investigon rolin e teknikave të marketingut politik gjatë fushatës elektorale të

2013 në Shqipëri. Pasi bëjmë një përcaktim të qartë të “Amerikanizimit”, të dhënat tregojnë

për një tendencë të qartë përsonalizimi, të orientuar drejt imazhit. Subjekt i këtij studimi

janë të gjitha reklamat politike të zgjedhjeve të përgjithshme në Shqipëri gjatë vitit 2013

të dy forcave kryesore politike, Partisë Socialiste dhe asaj Demokratike. Përmes nje

pyetsori të detajuar edhe në studime të meparshme reklamat u analizuan në mënyrë

sasiore duke na dhënë rezultate konkrete mbi personalizimin dhe amerikanizimin e

fushatave elektorale në Shqipëri. Reklamat politike ishin fokusuar tek targetimi i grupeve

të interest, një karakteristike e “Amerikanizimit”, një personalizim i ndjeshëm i reklamave

nga liderët e partive apo kandidatët që konkuronin. Personalizimi u vu re edhe tek spotet

negative ku sulmi nuk bëhej për shkak të ideve por si pasojë e cilësive individuale.Përmes

këtij studimi sasior del në pah roli i teknikave të reja në garën politikë në Shqipëri gjatë

zgjedhjeve të 2013. Te dhwnat e tij i shërbejnë studimeve të mëvonshme por edhe

ekspertëve të komunikimit politik.

Fjalë kyçe: Komunikim politik, fushate elektorale, zgjedhje Shqiperi, spote elektorale.

Hyrje

Një debat që përsëritet prej vitesh në Shqipëri gjatë periudhave zgjedhore ka të bëjë

me “Amerikanizimin” e fushatave elektorale. Personalizimi i reklamave politike duke

u fokusuar më shumë tek individet sesa tek partitë, shpesh mund të konsiderohet si

efekt i “Amerikanizimit”. Kjo gjë evidentohet jo vetëm tek ato sisteme politike që

janë të bazuara tek individi (tipi i zgjedhjeve presidenciale ne Shtetet e Bashkuara te

Amerikës) por edhe në fushata elektorale ku fitorja vjen nga votat per partine. Për

pasojë nuk është surprizë që përqendrimi tek imazhi është bërë temë qëndrore e

shumë studimeve të komunikimit politik. Fushatat elektorale në vende demokratike

po ngjajne gjithnjë e më tepër pavarësisht ndryshimeve që ndajnë shtetet në vlera,

histori dhe përceptim të demokracisë (Doolan, 2009).

Por a është “Amerikanizimi” thjeshte personalizim i fushatave elektorale dhe a ka

ndryshim mes kaheve politike në përdorimin e këtij fenomeni? A mund të testohen

shkencërisht teknikat elektorale amerikane dhe a sjell një frymë personalizimi,

modernizimi i politikes, shoqërisë dhe media? Për t’i dhënë përgjigje të gjitha këtyre

dilemave të shekullit të ri teknologjik ne do të identifikojmë teknikat elektorale të

“Amerikanizimit” dhe të ndërtojmë një proces metodologjik për matjen e tij në

kontestin shqiptar përmes spoteve elektorale.