Gruaja, potencial dhunimi në Shqipëri

• Author: Kozeta Ligeja
• Position: Instituti i Studimeve Europiane, UT
• Pages: 172-179

172

Vol. 3 No. 3

January, 2018

Balkan Journal of Interdisciplinary Research

IIPCCL Publishing, Graz-Austria

ISSN 2410-759X

Acces online at www.iipccl.org

Gruaja, potencial dhunimi në Shqipëri

PhD (C.) Kozeta Ligeja

Instituti i Studimeve Europiane, UT

Abstrakt

Hipoteza- Dhuna ndaj grave, pavarësisht se është e drejta më e dhunueshme, për të gjithë

njerëzit në botë, vazhdon të jetë më pak e vlerësuar. Ndërkohë që Shqipëria është një vend

që vazhdon të këtë nivele të larta të dhunës kundër grave. Dhuna është një problem i thellë

shëndetësor i cili ka pasoja dëmtimin e gruas deri në vdekjen e saj, shkel mirëqenien e grave

dhe shkatërron dinjitetin dhe vetëvlerësimin e tyre. Abuzimi ndaj grave është një problem

kompleks dhe shumëdimensional. Shpjegimi për këtë do të ishte në drejtime kulturore,

sociale, familjare dhe individuale.

Qëllimi i punimit-. Qëllimi i kët punimi është të vërtetojë nëpërmjet provave, kryesisht

të analizës teorike, por edhe asaj praktike se Shqipëria si shoqëri vazhdon të vuaje ende

fenomnenin kaq të përhapur dhe shumë problematik në familjet e saj, atë të përdorimit të

dhunës ndaj gruas.

Metodologjia- Punimi do të mbështetet mbi disa metoda studimore. Do të përdoret kryesisht

metoda induktive, duke kaluar nga fakte të veçanta në përfundime të përgjithshme, por

edhe ajo deduktive duke kaluar nga konkluzione të përgjithshme për të nxjerrë përfundime

për pasojat e ardhura dhe problemet e veçanta. Nëpërmjet analizës së rasteve të veçanta në

Shqiperi, të cilat kanë adresuar çështje specike me rëndësi për zhvillimin e punimit.

Fjalet Kyce: Shqipëria, Dhuna, Urdhër mbrojtje, Gratë, Qeveria.

Hyrje

Dhuna ndaj gruas në familje ngelet një nga fenomenet sociale më të përhapura që i

kapërcen kujtë, e cila përbën një dukuri që shfaqet në të gjitha qytetërimet e ndryshme

botërore. Në deklaratën e Kombeve të Bashkuara për Eliminimin e Dhunës Ndaj

Grave dhuna ndaj gruas është përcaktuar qartë si: çdo akt dhune me bazë gjinore që

sjell ose ka gjasa të rezultojë në lëndime ose vuajtje zike, seksuale ose psikologjike

të grave, përfshirë edhe kanosjet për akte të tilla, shtrëngime, apo privime arbitrare të

lirisë, qoë kur ndodhin në jetën publike, ashtu edhe në jetën private.1

Ky fenomen përbën një problem kompleks, përveç se është akt që përfshinë një

marrëdhënie midis burrit dhe gruas: por mbi ta gjitha përbën problem social nga e

cila rrjedhin pasoja negative në shoqëri. Janë shumë faktorë që ndikojnë zhvillimin e

saj si: mentaliteti, tradita e së kaluarës, gjëndja e rënduar ekonomike . Të gjitha këto

faktorë të jashtëm sjellin pasoja në shkeljen e personalitetit të gruas, ulje të integritetit

mental, emocional, zik mbi të gjitha dhuna gjeneron forma të tjera dhune që ngelet

e skalitur në ndërgjegjen e unit individual.

1 Konventa e OKB-së për të Drejtat e Fëmijëve i jep kompetenca të qarta Shtetit për të mbrojtur fëmijët nga të

gjitha format e dhunës në shtëpi dhe familje, dhe përcakton rolin e tij si vendimmarrësi përfundimtar i interesit

më të mirë të fëmijës në fushën familjare. Ndonëse Shteti nuk mund të mbajë përgjegjësi të drejtpërdrejtë për

akte të veçanta të dhunës së prindërve ndaj fëmijëve, atij i kërkohet të ofrojë kuadrin ligjor dhe masat e tjera

të nevojshme për të ofruar mbrojtje të mjaftueshme, përfshirë edhe masat efektive parandaluese dhe frenuese.