Konceptet e marketingut në marketingun politik

• Author: Erjonilda Hasrama - Ervin Myftaraj
• Position: Departamenti i Marketingut, Fakulteti i Biznesit, Universiteti 'Aleksandër Moisiu'
• Pages: 182-188

ISSN 2410-759X

Acces online at www.iipccl.org

Balkan Journal of Interdisciplinary Research

IIPCCL Publishing, Tirana-Albania Vol. 1 No. 2

September 2015

182

Konceptet e marketingut në marketingun politik

MND. Erjonilda Hasrama

Departamenti i Marketingut

Fakulteti i Biznesit

Universiteti “Aleksandër Moisiu”

Prof. As. Dr. Ervin Myftaraj

Departamenti i Marketingut

Fakulteti i Biznesit

Universiteti “Aleksandër Moisiu”

Abstrakt

Marketingu politik ndan një sërë ngjashmërisë me marketingun e të mirave dhe

shërbimeve. Në marketingun e të mirave dhe shërbimeve, nëpërmjet komunikimit me

tregun, në kthim përfitohet fitimi, informacioni dhe besnikëria konsumatore. Në fushatat

elektorale kandidatët ofrojnë premtime, përfitime, platforma politike ndaj votuesve në

këmbim të votave të tyre (Kotler and Kotler, 1999). Shumë koncepte dhe mjete të

marketingut të të mirave dhe shërbimeve janë përdorur në marketingun politik.

Për realizimin e këtij artikulli, është përdorur literatura e marketingut dhe ajo e shkencave

poltike. Gjithashtu është marrë një zgjedhje prej 100 personash, të cilët u janë përgjigjur

pyetjeve për rëndësinë e koncepteve të marketingut në marketingun politik. Zgjedhja

është bërë rastësore, e grupuar sipas një shpërndarje demografike në bazë të rajonit ku

jetojnë, moshës, gjinisë, nivelit arsimor dhe sektorit ku punojnë. Pyetësorët janë plotësuar

në dy qytetet kryesore të Shqipërisë, Tiranë dhe Durrës. Punimi është bazuar edhe në të

dhëna parësore dhe dytësore të fushatave elektorale të dekadës së fundit në Shqipëri.

Përfundimet e këtij kërkimi theksojnë se konceptet e marketingut janë të rëndësishme

për marketingun politik, ashtu siç janë për shumë disiplina të tjera.

Fjalë kyçe: Marketing, Marketingu poltik, Shërbime, Fushata elektorale.

I. Hyrje

Ky studim ka për qëllim të tregojë një aplikim të koncepteve të marketingut në

fushën e marketingut politik në përgjithësi, si dhe të diskutojë konceptet kryesore

ku ato bashkohen. Për të arritur këto qëllime janë prezantuar përkufizime të

marketingut, të marketingut politik dhe të funksioneve kryesore të tij. Marketingu

politik po përdoret gjithnjë e më shumë nga sistemet politike demokratike si një

mënyrë për të legjitimuar pushtetin e tyre, duke përfshirë të paktën tre grupe kryesore:

partitë politike, kandidatët (idetë, programet e tyre, njerëzit dhe imazhin) dhe

programin politik – programin e qeverisë. Sipas Niffenegger (1989) produktet politike

janë platformat politike, të dhënat e kaluara dhe karakteristikat personale; ku çmimi

politik përfshin koston ekonomike, koston psikologjike dhe imazhin; shpërndarja

politike përfshin programet e marketingut dhe programet vullnetare; dhe fushata

politike përfshin publikimin dhe marrësin e votave. Ky artikull paraqet një pamje të

përgjithshme të konceptit të marketingut politik dhe aplikimit të tij në epokën e re