Koncepti i mandatit të deputetit

• Author: Jonida Kondili
• Position: Këshilltare ligjore pranë Gjykatës Kushtetuese
• Pages: 214-221

ISSN 2410-759X

Acces online at www.iipccl.org

Balkan Journal of Interdisciplinary Research

IIPCCL Publishing, Tirana-Albania Vol. 2 No. 1

May, 2016

214

Koncepti i mandatit të deputetit

Doktorante Jonida Kondili

Këshilltare ligjore pranë Gjykatës Kushtetuese

Abstrakt

Në një shtet të organizuar si republikë parlamentare organi kushtetues prej të cilit

rrjedhin të gjitha organet e tjera është parlamenti.

Në Kushtetutën e Republikës së Shqipërisë parashikohet se sovraniteti i përket popullit,

i cili e ushtron nëpërmjet përfaqësuesve të tij ose drejtpërsëdrejti. Nisur nga roli i

rëndësishëm që paraqet deputeti, si përfaqësues i popullit, në këtë shkrim do të synoj të

trajtoj konceptin e mandatit parlamentar të deputetit.

Punimi do të jetë i ndarë në dy pjesë. Në pjesën e parë do të trajtoj konceptin e mandatit

parlamentar, mënyrën e zgjedhjes, si dhe momentin e fillimit të ushtrimit të funksionit.

Në pjesën e dytë do të trajtoj mbarimin e ushtrimit të mandatit të deputetit duke i

kushtuar rëndësi një prej rasteve, atij të papajtueshmërisë së mandatit të deputetit me

Kushtetutën, si dhe qëndrimin e jurisprudencës kushtetuese.

Fjalë kyçe: Mandat parlamentar; Deputet; Funksion; Kushtetutë; Jurisprudencë

kushtetuese.

Hyrje

Doktrina e përkufizon mandatin parlamentar si një akt të kalimit të sovranitetit

nga populli tek përfaqësuesit e tij. Përfaqësimi, në kontekstin e mandatit parlamentar,

nënkupton delegimin e të drejtës nga shumë persona tek një person i vetëm për të

vendosur mbi çështje që lidhen me qeverisjen e vendit. Çdo qytetar konsiderohet si

mbajtës i një “copëze” të barabartë të sovranitetit. Nga ana tjetër, vendimet në

parlament nga mbajtësi i sovranitetit që është populli merren nëpërmjet përfaqësuesve

të tij, deputetët1.

I. Koncepti i mandatit parlamentar

Në një sistem ku sundon sovraniteti popullor dhe parimi i demokracisë, qeverisja

realizohet nëpërmjet vullnetit të shumicës në parlament. Parlamentarët, nëpërmjet

mandatit të marrë nga zgjedhësit, ushtrojnë sovranitetin kombëtar. Mandati

parlamentar është i përgjithshëm, domethënë parlamentarët përfaqësojnë popullin

si të tërë dhe jo një grup votuesish. Gjithashtu mandati është përfaqësues, që do të

thotë se deputetët nuk janë të lidhur pas ndonjë urdhri, por gëzojnë pavarësi të

plotë përballë elektoratit por edhe ndaj grupimit politik ku ata bëjnë pjesë.

Koncepti i mandatit parlamentar përmban detyrimin e përfaqësimit real të zgjedhësve.

Populli merr pjesë në vendimmarrjen parlamentare nëpërmjet tërësisë së anëtarëve

të tij dhe për këtë qëllim duhet të garantohet pjesëmarrja e të gjithë deputetëve në

vendimmarrje. Vetëm duke qenë plotësisht efektiv, pra i përfaqësuar tërësisht me të

1 Jean Jacques Rousseau, The Social Contract, Libri II, Nëntitulli: Sovereignty is indivisible (1762, i

ribotuar).