Matja e perceptimeve: Analizë mbi markën Nespresso

• Author: Art Shala
• Position: Universiteti i Tiranës, Fakulteti i Ekonomisë
• Pages: 373-382

373

ISSN 2410-759X

Acces online at www.iipccl.org

Balkan Journal of Interdisciplinary Research

IIPCCL Publishing, Tirana-Albania Vol. 2 No. 1

May, 2016

Matja e perceptimeve: Analizë mbi markën Nespresso

Art Shala

Universiteti i Tiranës, Fakulteti i Ekonomisë

Abstrakt

Ky punim paraqet një analizë rreth përceptimeve të konsumatorëve rreth markës

Zvicerane “Nespresso”. Nespresso është njëra ndër kompanitë më të suksesshme në

industrinë e kafes me kapsula. Nespresso merret me prodhimin dhe shitjen e kapsulave, si

dhe ka partneritet të ngushtë me 6 prodhues të makinerive të kafes. Është një kompani e

shtrirë në nivel global prandaj edhe ishte interesante të studjoj përceptimet e

konsumatorëve rreth kësaj marke (Markides, 1999).

Studimi është i bazuar në një pyetësor i cili ka për qëllim mbledhjen e të dhënave rreth

njohjes së markës, konsumimit apo jokonsumimit të markës si dhe perceptimeve që kanë

konsumatorët kundrejt markës në përgjithësi .

Pyetjet janë të mbyllura ku përgjigjet mund të jepen në shkallë binare, si Po apo Jo, ose në

shkallë Likert me 7-të vlera. Pyetësori është shpërndarë në dy qendra tregtare, duke

mbledhur 50 përgjigje nga konsumatorë random; 3 pyetësorë janë eleminuar pasi kanë

patur një seri përgjigjesh të paplotësuara.

Nga studimi është kuptuar se Nespresso,

• Ka njohje të lartë markës prej 94%,

• Përceptohet si një markë për persona më në moshë, me të ardhura të larta dhe të

cilët i përkasin një statusi social të lartë.

Keywords:, brand image, brand awareness.

Historia e Nespresso

Historia e korporatës dhe suksesit të Nestle Nespresso SA është rezultat i 20 vite të

kërkimit dhe zhvillimit i ndërmarrë fillimisht nga departamenti brenda Nestle, i cili

në vitin 1970 shpiku sistemin kapsulë që përmban kafene dhe krijoi procesin e saj të

veçantë të nxjerrjes së ekstraktit të kafes (Matlack, 2009). Gjashtë vite më vonë, në

vitin 1976, patenta e parë ishte dërguar në agjensionin përkatës për tu fituar, dhe në

vitin 1986 kompania Nespresso SA u themelua në Vevey të Zvicrës. Në të njëjtin vit,

në partneritet me prodhuesin Turmix Swiss ajo hodhi në treg sistemin Nespresso

për sektorin e kafesë në zyra nëpër Zvicër dhe Itali. Prodhimi i kapsulës ishte i

centralizuar në Orbe, Zvicër. Nespresso SA zotërohet tërësisht nga Grupi Nestle

dhe është një nga divizionet me rrijte më të shpejtë brenda grupit (Markides, 1999).

Që nga viti 1989 Nespresso punon në partneritet me prodhuesit e ndryshëm të

makinave në mënyrë që të zhvillojnë dhe zgjerojnë gamës e makinerive të kafes

varësisht nga aplikueshmëria e tyre.

Organizata operon në disa segmente të tregut të kafes:

· segmenti “në shtëpi” (B2C) me sistemin e Nespresso Classic për familjen;

· segmenti “jashtë shtëpisë” (B2B), me Nespresso Professional për zyra;

· segmenti Nespresso Gastronomy në restorante dhe