Reforma e Sistemit të Drejtësisë në Shqipëri. Kusht për antarësimin apo garanci për funksionimin e shtetit të së drejtës

• Author: Majlinda Tafaj
• Position: Pedagoge në Fakultetitin e Shkencave Sociale të UT
• Pages: 95-104

95

ISSN 2410-759X

Acces online at www.iipccl.org

Balkan Journal of Interdisciplinary Research

IIPCCL Publishing, Tirana-Albania Vol. 1 No. 3

January 2016

Reforma e Sistemit të Drejtësisë në Shqipëri. Kusht për antarësimin apo

garanci për funksionimin e shtetit të së drejtës

Dr (proces) Majlinda Tafaj

Pedagoge në Fakultetitin e Shkencave Sociale të UT

Abstrakt

Reforma në Sistemin e Drejtësisë në Shqipëri tashmë është kthyer në kryefjalën e ditës.

Kjo reformë që ka filluar dhe është në fazat e para të zbatimit të saj, konsiderohet nga

Komisioni Europian si prioriteti kyç dhe kushti i rrallës për integrimin e Shqipërisë në

BE. Bashkimi Europian pret konkretisht që Shqipëria të ndërmarrë hapa reformues nga

elita politike shqiptare me qëllim garantimin e pavarësisë, efiçencës dhe përgjegjësinë e

institucioneve të drejtësisë shqiptare në kuadrin e funksionimit të ligjit dhe shtetit të së

drejtës. Brukseli dhe vendet anëtare të BE-së e kanë artikuluar qartë kërkesën e tyre: Pa

reformën në drejtësi, procesi i anëtarësimit do të bllokohet përfundimisht. Nuk ka asnjë

mundësi që ndonjë shtet anëtar i BE-së, sado dashamirës ndaj aspiratave evropiane të

Shqipërisë, të mbështesë progresin drejt anëtarësimit pa një drejtësi të reformuar tashmë

të etiketuar si e korruptuar dhe jofunksionale. Më qartë dhe prerë nuk mund të na i

thonë. Duhet reformuar sistemi i drejtësisë që të garantohet zbatimi i ligjit në mënyrë të

barabartë për të gjithë. Pyetja shtrohet si është drejtësia jonë? Sa probleme eventuale ka

ajo?! Vërtet kushtëzon integrimin ky proces që duket se është në rrugën e duhur për të

arritur gjithnjë dhe më afër realizimit të tij me hapat që qeveria dhe shteti shqiptar kanë

ndërmarrë? Ndyshimet kushtetuese që priten të ndodhin me këtë reformë cilat janë dhe

si do priten nga subjektet që do preken? A është e domosdoshme kjo reformë që të bëhet

me një revolucion “paqësor” gjithpërfshirës që të bëjë më në fund të funksionojë ligji dhe

shteti i së drejtës në Shqipëri, aq shumë i dëshiruar?

Fjale kyçe: Reforma në drejtësi, ndyshimet kushtetuese, integrimi, korrupsioni,shteti i

së drejtës.

Hyrje

Me marrjen e satusit të vendit kandidat në qershorin e vitit të kaluar, Shqipëria

është një hap më pranë BE-së, por kjo kërkon angazhimin e vendit në ndërmarrjen

e reformave të gjithëanshme dhe forcimin e funksionimit të institucioneve

demokratike në respektimin e ligjit dhe të drejtave të njeriut. ku pikërisht në Progres

Raportin e Komisionit Europian(2013-2014) për Shqipërinë ishin të specifikuara dhe

të evidentuara 5 prioritetet e rrallës që duhet të plotësoheshin. Përveç katër pikave

që u evidentuan1 me të tjerash Reforma në Sistemin e Drejtësisë ishte edhe prioriteti kyç

për hapjen e negociatave të antarësimit me Bashkimin Europian dhe europianët e

1Në progress-raportin për vendin tonë tonë që dha statusin e vendit kandidat, Komisioni evidentoi dhe vuri

theksin tek pikat që nuk ishin plotësuar akoma nga 12 pikat e vendosura fillimisht. Është e vërtet që brenda

një kohe të shkurtër është punuar shumë por përsëri udhërrëfyesi me 5 pikat kyce u shpjegua në mënyrë

të detajuar nga qeveria shqiptare në ndërmarrjen e reformave të duhura me qëllim përmirësimin e situatës

në vend. Prioritetet ishin 5 për veç reformës në drejtësi parashikoheshin edhe 4 të tjera si më poshtë:

1)Reforma në Administratën Publike, një reformë e mbetur përgjysmë, jo e plotë.2) Lufta kundër korrupsionit

sidomos në qeverisjen vendore. 3)Lufta kundër krimit të organizuar më shumë bashkpunim ndër-institucional.

4)Mbrojtja e të drejtave dhe lirive themelore, strategji efektive anti-diskriminimit. Marrë në (www.euro-

centre.eu).