Sociologjia në shkollat e mesme në demokracinë tonë të trazuar

• Author: Aida Serjanaj
• Position: Agjencia Kombëtare e Provimeve
• Pages: 339-343

339

ISSN 2410-759X

Acces online at www.iipccl.org

Balkan Journal of Interdisciplinary Research

IIPCCL Publishing, Tirana-Albania Vol. 1 No. 3

January 2016

Sociologjia në shkollat e mesme në demokracinë tonë të trazuar

Aida Serjanaj

Agjencia Kombëtare e Provimeve

Abstrakt

Demokracia në Shqipëri erdhi mes një populli të uritur për të. Pritshmëria e njerëzve u

përball me babëzinë e klasës politike që nuk u pa të “gatuajë” dhe racionojë atë që i duhej

vërtet këtij populli. Arsimi pësoi goditje nga më të rëndat nga kjo gjendje. Përpjekja për

të sjellë të rejat më të përparuara nga bota e qytetëruar solli një miks reformash të

paharmonizuara me njëra tjetrën. Secila legjislaturë u vu në garë të shfrenuar me atë

paraardhëse për të realizuar brenda mandadit të vet, atë që pretendonte se do të sillte

suksesin maksimal në arsim.

Një e tillë ishte reforma që i dha goditje bllokut të lëndëve të civiksit në shkollë të mesme.

Pasoja më e rëndë në këtë bllok ishte heqja e lëndës së sociologjisë nga menyja e lëndëve

në kurrikulën bërthamë. Statusi i saj u bë “lëndë me zgjedhje të detyruar”1, ndërkohë që

disa lëndë bërthamë rimarrin informacion të njëra-tjetrës. Të tilla janë: aftësimi për

jetën, bilogjia dhe qytetaria 11. Kjo ndodhi në vitin shkollor 2010-2011, klasa e XI-të, e

më pas, matura e parë që iu nënshtrua sistemit të arsimit të detyruar 9-vjeçar. Pasoja e

këtyre dukurive ra mbi nxënësit që mbesin me formim të cunguar pa studimin e

fenomeneve sociale. Qytetaria aktive vjen nga njerëz të mirëinformuar. Këtë informacion

e jep sociologjia si me problemet që trajton, ashtu edhe me mënyrën si e paraqet

perspektivën e shoqërisë në fusha të ndryshme.

Fjalë kyçe: sociologji, lëndë bërthamë, lëndë me zgjedhje, formim qytetar.

Hyrje

Shqetësimi që paraqet ky punim është i një armate mësimdhënësish të sociologjisë

nga e gjithë Shqipëria. Megjithëse e kemi shtruar dhe diskutuar me kolegët në vite,

ky problem nuk është paraqitur ndonjëherë në nivele të tilla si në këtë punim.

MASH2 miratoi programet mësimore të propozuara nga IZhA 3 në vitin shkollor

2009-2010, kur nisi për herë të parë zbatimi i kurrikulës së re AML4 me një menu

lëndësh bërthamë dhe një tjetër me zgjedhje. Zgjedhja ishte e detyruar ose e lirë. Kjo

u cilësua si një nga sukseset në reformat arsimore. Prej kohësh ishin kryer takime

nga IZhA me mësues me përvojë dhe asnjëherë nuk ishte dëgjuar ndonjë propozim

për heqjen e sociologjisë nga lista e lëndëve bërthamë. U ndodhëm përballë faktit të

kryer kur MASH solli programet e vitit shkollor 2009-2010. Klasat e dhjeta tashmë

zhvillonin lëndën e qytetarisë si edukim ligjor. Kjo lëndë zhvillohet edhe në

klasën e 11-të. E ndërmora përgatitjen e këtij studimi me shpresën se diku do të

1 www.izha.edu.al.

2 Ministria e Arsimit dhe e Shkencës, sot MAS-Ministria e Arsimit dhe e Sporteve.

3 1965-Insituti i Studimeve dhe Botimeve, 1970-Insituti i Studimeve Pedagogjike, 2003-Insituti i Kurrikulave

dhe Standardeve dhe Qendra e Trainimit dhe Kualifikimit për Arsim, tetor 2007-Insituti i Kurrikulave dhe

Trajnimit, , mars 2010-Insituti i Zhvillimit të Arsimit.

4 Arsimi i Mesëm i Lartë.