Vitet e edukimit një nga faktorët domethënës që ndikon në kohëzgjatjen e qëndrimit në skemën e konomike

• Author: Blerina Xhakolli Reci - Doreta Kuci Tartari
• Position: Universiteti 'A.Moisiu'
• Pages: 237-250

237

ISSN 2410-759X

Acces online at www.iipccl.org

Balkan Journal of Interdisciplinary Research

IIPCCL Publishing, Tirana-Albania Vol. 1 No. 3

January 2016

Vitet e edukimit një nga faktorët domethënës që ndikon në kohëzgjatjen e

qëndrimit në skemën e konomike

Dr. Blerina Xhakolli Reci

Universiteti “A.Moisiu”

Dr. Doreta Kuci Tartari

Universiteti “ A.Moisiu”

Abstrakt

Durrësi është një rast interesant për studimin e efektivitetit të ndihmës ekonomike në

vendin tonë për shkak të specifikave të mësipërme. Për këtë arsye, qëllimi i studimit tonë

ishte studimi i skemës së ndihmës ekonomike për përmbushjen e nevojave bazë të

përfituesve të saj, evidentimi i barrierave potenciale që pengojnë aksesin në këtë shërbim,

dhe eksplorimi i opinioneve të personave në nevojë lidhur me aspektet të ndryshme të

kësaj politike në mënyrë që vlerësohet efektiviteti real i skemës së mbrojtjes sociale për

zbutjen e varfërisë dhe lehtësimin e përjashtimit social si dhe të jepen rekomandimet

përkatëse për politikëbërësit dhe grupet e tjera të interesit.

Studimi është i tipit transversal (kros-seksional). Studimi është kryesisht i tipit

kuantitativ, duke integruar një një kuadër sasior aspektet kuantitative me ato

kualitative.Popullata target e studimit ishin të gjitha familjet e përfshira në skemën

ekonomike në Bashkinë e Durrësit.

Gjetjet vërtet domethënëse tregojnë mungesën e një strategjie të mirfilltë të programeve

të edukimit profesional për të ndihmuar individët në nevojë për të mos qëndruar gjatë

në skemën ekonomike.Ajo që bën të dukshme dhe të nevojshme ndryshimin e strategjive

të skemës ekonomike është nevoja për një ristrukturim dhe bashkrënditje të reformave

të edukimit profesional krahas qëndrimit në skemën ekonomike, gjë që detyrimisht do

arrijë dhe qëllimin e vet kësaj skeme: jo kohëzgajtjen apo pasivitetin në marrjen e ndihmës

ekonomike por si një formë mbështëtëse e përkohshme për nxitjen e punësimit dhe

daljen nga gjendja e vështirë ekonomike në të cilën ndodhen individët.

Fjalë Kyçe: ndihmë ekonomike, barriera, vite edukimi, familje në nevojë, qëndrimi në

skemë ekonomike.

Hyrje

Mbrojtja sociale në Shqipëri realizohet nëpërmjet një sërë komponentësh, strategjish,

aktorësh dhe sektorësh. Shtyllat kryesore të mbrojtjes sociale përfshijnë pagesat

financiare direkte, ofrimin e shërbimeve sociale, masat për përfshirjen sociale të

grupeve vulnerabël, sigurimet shoqërore dhe sigurimet shëndetësore.

Politika e Përfshirjes apo Mbrojtjes Sociale në Shqipëri është një komponent i një

kornize më të përgjithshme që emërtohet Strategjia Kombëtare për Zhvillim dhe

Integrim (SKZHI) 2007-2013, e cila harmonizon në një dokument të vetëm

përspektivat për zhvillimin ekonomik dhe social të qëndrueshëm në kuadër të

integrimit në BE dhe realizimit të Objektivave të Mijëvejcarit. SKZHI ravijëzon

vizionin e zhvillimit të “një vendi me një nivel të lartë jetese, të integruar në strukturat